মহাৰাষ্ট্ৰ আৰু ঝাৰখণ্ডত বিধানসভা নিৰ্বাচনৰ ফোট গণনা চলি আছে। ৱায়ানাদত প্ৰিয়ংকা গান্ধীয়ে বৃহৎ ব্যৱধানত আগবাঢ়ি আছে যদিও মহাৰাষ্ট্ৰত বিজেপিৰ মিত্ৰজোঁটে আগবাঢ়ি আছে, কিন্তু ঝাৰখণ্ডত প্ৰথম অৱস্থাত এন ডি এ আগবাঢ়ি আছিল যদিও গণনাৰ কাম আগবাঢ়ি যোৱাৰ লগে লগে যুঁজখন অধিক কটকটীয়া হৈ পৰিছে।(Maharashtra & Jharkhand Assembly Elections Results)
মহাৰাষ্ট্ৰত বিজেপিৰ ‘মহাজুতি’ আগবাঢ়িছে। ২৮৮খন আসনৰ ভিতৰত ২০০ৰো অধিক আসনত আগবাঢ়ি আছে।
বায়ানাডত আগবাঢ়ি আছে প্ৰিয়ংকা গান্ধী। বিজেপি প্ৰাৰ্থী নব্য হৰিদাসক ৬০ হাজাৰৰো অধিক ভোটত পিছ পেলাই আগবাঢ়িছে প্ৰিয়ংকা গান্ধী।(Priyanka Gandhi)
মহাৰাষ্ট্ৰৰ অনুশক্তিনগৰ সমষ্টিত আগবাঢ়িছে এন চি পি (শ্বাৰদ গোট)ৰ নেতা অভিনেত্ৰী স্বৰা ভাস্কৰৰ স্বামী ফাহাদ আহমেদে।
আনহাতে ঝাৰখণ্ডত প্ৰথম অৱস্থাত এন ডি এ আগবাঢ়ি আছিল যদিও গণনাৰ কাম আগবাঢ়ি যোৱাৰ লগে লগে যুঁজখন যেন কটকটীয়া হৈ পৰিছে। ‘ইণ্ডিয়া’ আৰু এন ডি এৰ মাজৰ ব্যৱধান কমি আহিছে।
পুনে জিলাত গণনাৰ আৰম্ভণিতে আগবাঢ়ি আছে এন চি পিৰ অজিত পাৱাৰে। ভতিজা যুগেন্দ্ৰ পাৱাৰৰ বিৰুদ্ধে যুঁজিছে তেওঁ। যুগেন্দ্ৰৰ সমৰ্থন আছে শাৰদ পাৱাৰৰ গোটৰ।
মহাৰাষ্ট্ৰ আৰু ঝাৰখণ্ডৰ বিধানসভা নিৰ্বাচনৰ উপৰিও পশ্চিম বংগকে ধৰি ১৫খন ৰাজ্যৰ ৪৮খন বিধানসভা আৰু দুটা লোকসভা সমষ্টিৰ উপ-নিৰ্বাচনৰ ফলাফল আজি ঘোষণা কৰা হ’ব।