আজি অসমৰ তিনি কাৰ্যকালৰ প্ৰাক্তন মুখ্যমন্ত্ৰী তৰুণ গগৈৰ মৃত্যুবাৰ্ষিকী। ২০২০ চনৰ ২৩ নৱেম্বৰৰ দিনটোতে ৮৪ বছৰ বয়সত শেষ নিশ্বাস ত্যাগ কৰিছিল প্ৰয়াত ৰাজনীতিবিদগ তথা প্ৰাক্তন মুখ্যমন্ত্ৰীগৰাকীয়ে৷(Tarun Gogoi Death Anniversary)
স্বভাৱসুলভ হাঁহিমুখীয়া ব্যক্তিত্বৰ অধিকাৰী প্ৰয়াত মুখ্যমন্ত্ৰীগৰাকীয়ে অসমৰ ৰাজনীতিত ১৫ টা বছৰ মুখ্যমন্ত্ৰী হিচাপে শাসন ভাৰ চলাই গৈছিল৷ প্ৰয়াত মুখ্যমন্ত্ৰীগৰাকীৰ আজি তেওঁৰ মৃত্যু তিথিত বিভিন্নজনে সোঁৱৰিছে।
পিতৃ মৃত্যুতিথিত সোঁৱৰি সামাজিক মাধ্যমত তেওঁ লিখিছে,”সাংসদ তথা কেন্দ্ৰীয় মন্ত্ৰীৰ দায়িত্ব সফলতাৰে পালন কৰাৰ লগতে অসমৰ তিনিটা কাৰ্যকালৰ সফল মুখ্যমন্ত্ৰী আছিল তেওঁ ,কল্যাণকামী গণতান্ত্ৰিক চিন্তাৰ মৌলিকতাৰে বিশ্বাস আৰু আস্থাৰ বিকশিত অসম গঢ়িছিল তেখেতে,সন্ত্ৰাস জৰ্জৰ অশান্ত অসমত শান্তিৰ কঠীয়া সিঁচি প্ৰগতিৰ দিশেৰে আগুৱাই নিবলৈ সক্ষম হৈছিল তেওঁ,শিক্ষা,স্বাস্থ্য,লোক নিৰ্মাণ,কৃষি,জনস্বাস্থ্য কাৰিকৰী,জলসিঞ্চন আদি প্ৰায় প্ৰতিটো বিভাগকে নতুন ৰূপত গঢ়ি তোলাৰ লগতে নতুন নতুন উদ্যোগ গঢ়ি আত্ম নিৰ্ভৰশীলতাৰ আৰু লাখ লাখ নিবনুৱাৰ সংস্থাপনৰ পদক্ষেপ লৈছিল তেওঁ।বাকপটুতা, স্পষ্টবাদীতা বুদ্ধিদীপ্ততা কৰ্মদক্ষতা আৰু বিৰল নিকাভাৱমূৰ্তিৰ সমাহাৰ সেইগৰাকী মহান জননেতা পদ্মভূষণ প্ৰয়াত তৰুণ গগৈ দেৱৰ পুত্ৰৰূপে তেখেতৰ চতুৰ্থ বাৰ্ষিক মৃত্যুতিথিত পৰিয়ালৰ তৰফৰ পৰা শ্ৰদ্ধাৰে সোঁৱৰিছো । দেউতা আপুনি যতেই আছে তাৰেই পৰা আমাকো মূল্যবোধ আৰু সততাৰে দেশৰহৈ সমাজৰহৈ কাম কৰি যাবলৈ আৰ্শীবাদ কৰিব।”লগতে তেওঁ এটা ভিডিঅ’ শ্বেয়াৰ কৰে।(Gaurav Gogoi)
আনহাতে কংগ্ৰেছ নেত্ৰী মীৰা বৰঠাকুৰ গোস্বামী সামাজিক মাধ্যমত লিখে,” আজি অসমৰ প্ৰাক্তন মুখ্যমন্ত্ৰী তৰুন গগৈ দেৱৰ মৃত্যুদিন । এই দিনতোত তেখেতক শ্ৰদ্ধাৰে সোঁৱৰণ কৰিছোঁ।”
১৯৩৬ চনৰ ১ এপ্ৰিলত যোৰহাট জিলাৰ ৰঙাজান চাহ বাগিচাত জন্ম হোৱা তৰুণ গগৈয়ে অসমৰ তিনি কালৰ মুখ্যমন্ত্ৰী হৈ নিয়াৰিকৈ চলাই নিছিল শাসন ভাৰ।