২৬ নৱেম্বৰত মহাৰাষ্ট্ৰত নতুন চৰকাৰে শপত লোৱাৰ সম্ভাৱনা৷ পুনৰ মহাৰাষ্ট্ৰৰ মুখ্যমন্ত্ৰীৰূপে চৰ্চালৈ দেৱেন্দ্ৰ ফাড়নাবিছৰ নাম৷ (Devendra Fadnavis)
মহাৰাষ্ট্ৰৰ নাগপুৰ দক্ষিণ পশ্চিম আসনৰ পৰা আগবাঢ়ি আছে উপ মুখ্যমন্ত্ৰী দেৱেন্দ্ৰ ফাডনাভিছ। পুৱা ৮ বজাৰ পৰা ভোটগণনা আৰম্ভ হোৱাৰ পাছত কিছু সময় পিছ পৰি ৰ’ল যদিও পিছত তেওঁ অগ্ৰগতি লাভ কৰে। নিজৰ সমষ্টিত ২৪,৫৯৩ টা ভোটৰ ব্যৱধানত আগবাঢ়ি আছে ফাড়নাবিছ। ২০২৪ চনৰ বিধানসভা নিৰ্বাচনত কংগ্ৰেছৰ প্ৰফুল্ল গুড়েৰ মুখামুখি ফাড়নাবিছ।(Nagpur South West Election Result)
২০০৯ চনৰ পৰা বিধানসভাত নাগপুৰ দক্ষিণ পশ্চিম আসনখনক প্ৰতিনিধিত্ব কৰি আহিছে ফাড়নাবিছে। বৰ্তমান একনাথ শিণ্ডেৰ নেতৃত্বত গঠিত চৰকাৰৰ উপ-মুখ্যমন্ত্ৰী হিচাপে আছে ফাড়নাবিছ। আনহাতে কাইলৈ মহাৰাষ্ট্ৰত মহায়ুটী বিধায়কসকলৰ বৈঠক৷ বৈঠকত নিৰ্বাচন কৰা হ’ব বিধায়িনী দলৰ নেতা৷ বৈঠকত নিৰ্বাচিত হোৱা নেতাই হ’ব মহাৰাষ্ট্ৰৰ পৰৱৰ্তী মুখ্যমন্ত্ৰী৷(Maharashtra)