দেশৰ বিভিন্ন প্ৰান্তত আয়কৰ বিভাগত তালাচীৰ খবৰ বিভিন্ন সময়ত পোৱা যায়। কিন্তু দেশৰ ইতিহাসত আয়কৰ ফাঁকিৰ এক আচৰিত দৃষ্টান্ত আছে য’ত উদ্ধাৰ হোৱা ধন গণনা কৰিবলৈ দুদিন সময় লাগিছিল। টকা গণিব পৰা মেচিনটো বেয়া বাবেই উদ্ধাৰ হোৱা ধন ৩৫২ কোটি টকা গণনা কৰিবলৈ লাগিল দুদিন।
সুৰা কাৰখানা বৌধ ডিষ্টিলেৰীজ প্ৰাইভেট লিমিটেডৰ কাৰখানাত আয়কৰ বিভাগে এক তালাচী চলায়। উৰিষ্য়া আৰু ঝাৰখণ্ডত থকা এই কোম্পানীটোৰ কাৰ্যালয়ত তালাচী চলোৱাৰ পাছত একেলগে ইমান টকা দেখা পাই আয়কৰ বিষয়াসকল স্তম্ভিত হৈ পৰে। আলমাৰীত টকাই টকা। বিশেষ সঁজুলিৰ সহায়ত মাটিৰ তলত থকা গোপন সুৰংগ এটাও উদ্ধাৰ কৰে। প্ৰথম দিনাই উদ্ধাৰ হয় ১৫০ কোটি টকা। ইমান টকা মুঠ ৪০টা মেচিনেৰে ৫০জন বেংক কৰ্মচাৰীয়ে গণনা কৰি থাকোঁতেই আয়কৰ বিভাগৰ কেইবাটাও মেচিন বিকল হৈ পৰে। । অৱশেষত এই দুটা কাৰ্যালয়ৰ পৰা মুঠ ৩০০ কোটি টকা উদ্ধাৰ কৰা হয়। আন কাৰ্যালয়তো অভিযান চলাই বহু ধন উদ্ধাৰ কৰে আয়কৰ বিভাগে। ১০ দিনৰ অনুসন্ধানৰ অন্তত মুঠ ধনৰাশি ৩৫২ কোটি টকা উদ্ধাৰ হয়। দেশৰ ইতিহাসত ই সৰ্বাধিক। প্ৰকৃততে ২০১৯ চনৰ পৰা ২০২১ চনলৈকে কৰা হিচাপ-নিকাচত এই বিসংগতি ধৰা পেলাইছিল আয়কৰ বিভাগে। ইয়াৰ পিছতে আয়কৰ বিভাগে বিজেডিৰ বিধায়ক যোগেশ সিঙৰ নাম এই অনুসন্ধানত জড়িত হৈ পৰাত তেওঁ এই অভিযোগ অস্বীকাৰ কৰে। উদ্ধাৰ হোৱা কোটি কোটি টকাৰ সৈতে কংগ্ৰেছ নেতা তথা ৰাজ্যসভাৰ সাংসদ ধীৰাজ সাহুৰো নাম জড়িত হৈ পৰে ।বিগত সময়ত এই তালাচী অভিযান চলোৱা সকলো বিষয়াকে কেন্দ্ৰীয় চৰকাৰে সন্মান জনায়।