মঙ্গলদৈ : অসমৰ মনোৰঞ্জন ধৰ্মী চেনেল ৰেঙনিত যোৱা কালিৰে পৰা প্ৰচাৰিত বেগমজান নামৰ নামৰ চিৰিয়েল খনক লৈ লৈ প্ৰতিক্ৰিয়াৰ সৃষ্টি হৈছে। বিশেষকৈ হিন্দু ধৰ্মৰ উপাশ্য দেৱতা গনেশক অপমান কৰা বুলি চিৰিয়েল খন বন্ধ কৰাৰ দাবী জনাইছে। তাৰোপৰি এগৰাকী ব্ৰাহ্মিণ ছোৱালীক মুছলমানলৈ বিয়া দিয়াৰ দৃশ্যই সমগ্র ব্ৰাহ্মিণ সমাজক অপমান কৰা বুলি সদৌ অসম ব্ৰাহ্মণ যুৱ পৰিষদে অভিযোগ কৰিছে। এই সম্পৰ্কে যুৱ পৰিষদৰ দৰং জিলা সমিতিৰ সভাপতি দিপজ্যোতি শৰ্মা আৰু সম্পাদক বিতোপন শৰ্মা আৰু সহকাৰী সম্পাদক ধিমান জোতি কৌশিকে সনাতন হিন্দু ধৰ্মৰ আৱেগ অনুভূতিত আঘাট হানিছে বুলি মন্তব্য কৰিছে। চিৰিয়েল খনৰ বিভিন্ন দৃশ্যৰ আলম লৈ ধাৰাবাহিক খনে সাম্প্ৰদায়িক বিষবাস্প বিয়পাইছে বুলি অভিযোগ কৰিছে। শেহতীয়া ভাৱে ৰাজ্যখনত দেখা দিয়া লাভ জেহাদৰ পৰিনতিত বহু প্ৰতিভাধৰ যুৱতী, মহিলাৰ জীৱন ধবংস হোৱাৰ সময়তে এই চিৰিয়েল খনে লাভ জেহাদক উদগনি যোগোৱা বুলি অভিযোগ কৰিছে। অসম ব্ৰাহ্মণ যুৱ পৰিষদে বেগমজান নামৰ চিৰিয়েল খন শীঘ্ৰে বন্ধ কৰি প্ৰযোজক পৰিচালকক ক্ষমা খুজিবলৈ দাবী জনাইছে। আনহাতে দৰং জিলা বজৰং দলে বেগমজান নামৰ চিৰিয়েল খনৰ বিৰুদ্ধে আৰু প্ৰযোজক পৰিচালকৰ বিৰুদ্ধে ছিপাঝাৰ থানাত আজি গোচৰ ৰুজু কৰিছে।
