“Man is for man”। ৰহাৰ দীঘলদৰিৰ প্ৰায় ১০জনীয়া যুৱকৰ এটা দলে কাম কৰি আহিছে প্ৰকৃতি, বন্যপ্ৰাণী আৰু মানুহৰ বাবে”এক নতুন যাত্ৰা” নামেৰ গঠন হোৱা এই দলটোৱে বিভিন্ন ঠাইৰ মানসিক ভাৰসাম্যতা হেৰুৱা ব্যক্তি সকলক কৰি আহিছে সহায়।
সমাজে সংগ নিদিয়া, দেখিলেই ভয় খোৱা লোকসকলক মৰম স্নেহৰ মাজেৰে দাড়ি চুলি কাটি এজোৰ নতুন পোছাক পৰিধান কৰাই দি আহিছে এক ন-ৰূপ ।থিক সেইদৰে ৰহা টোলগেটৰ সমীপত এনে এজন ব্যক্তিক স্থানীয় লোকে প্ৰত্যক্ষ কৰি যুৱক কেইজনক খৱৰ কৰাত যুৱকৰ দলটো আহি দাড়ি চুলি কাটি গা ধুৱাই এজোৰ নতুন পোছাক পৰিধান কৰাই এমুঠি অন্ন যোগান ধৰে।
বৰ্তমানলৈকে এই দলটোৱে প্ৰায় ১২ জন এনে ব্যক্তিক এক ন ৰূপ দি তেওঁলোকৰ পৰিয়ালক গতাই দি আহিছে আৰু
তেওঁলোকে কয় যে এই সকললোকক মৰম আৰু যত্নৰ প্ৰয়োজন বহু ক্ষেত্ৰত আত্মীয়ৰ হেমাহি বা দ্বায়িত্বহীনতাৰ বাবে এইসকল লোকৰ এনে অৱস্থা হয়।
সমাজৰ প্ৰতিজন ব্যক্তিক ওলাই আহি পাৰ্যমানে এনেধৰণৰ ব্যক্তিক সহায় কৰিবলৈ আহ্বান জনাই দলটোৱে। এক নতুন যাত্ৰাৰ এই যাত্ৰাক ইতিমধ্যে শলাগ লৈছে সকলোৱে।