আজি ৩১ ডিচেম্বৰ আৰু নতুন বছৰ আজি নিশা ১২ বজাৰ পৰা আৰম্ভ হ’ব। সকলোৱে উদযাপন কৰিব নতুন বছৰ। (Freeb Cab)নৱবৰ্ষৰ দিনা ৰাইজক বিনামূলীয়া যাতায়তৰ সুবিধা প্ৰদান কৰা হ’ব বুলি এটা সন্থাই জনাইছে। সংগঠনটোৱে জনোৱা মতে, নৱবৰ্ষৰ পাৰ্টিত অংশগ্ৰহণ কৰাসকলক বিনামূলীয়াকৈ যাতায়তৰ সুবিধা প্ৰদানৰ বাবে ৫০০খন গাড়ী আৰু ২৫০খন বাইক টেক্সি উপলব্ধ হ’ব। (hyderabad)
ইয়াৰ পৰিপ্ৰেক্ষিতত তেলেংগানা ফ’ৰ হুইলাৰ এছ’চিয়েশ্যনে উদযাপনত অংশগ্ৰহণ কৰা লোকসকলক সহায় কৰাৰ বাবে এক বৃহৎ ঘোষণা কৰিছে। এই সুখৰ অনুষ্ঠানত সম্ভৱনাময় কৰুণ ঘটনাৰ পৰা হাত সাৰিবলৈ তেলেংগানা ফ’ৰ হুইলাৰ এছ’চিয়েশ্যনে সকলো লোককে এই সেৱা ব্যৱহাৰ কৰিবলৈ আৰু মদ্যপান কৰি গাড়ী চলাব নালাগে বুলি অনুৰোধ জনাইছে। যোৱা ৮ বছৰে এই সুবিধা প্ৰদান কৰি থকা বুলি সন্থাই জানিবলৈ দিয়ে। যিসকলে বিনামূলীয়া যাত্ৰাৰ সুবিধা ল’ব বিচাৰে তেওঁলোকে ৯১৭৭৬২৪৬৭৮ নম্বৰত ফোন কৰিব পাৰে। সন্থাৰ ঘোষণা অনুসৰি হায়দৰাবাদ, চাইবেৰাবাদ আৰু ৰাচাকোণ্ডাত নিশা ১০ বজাৰ পৰা পুৱা ১ বজালৈ এই সুবিধা প্ৰদান কৰা হ’ব।(Freeb Cab Service on New Year)
তেলেংগানা ফোৰ হুইলাৰ ড্ৰাইভাৰ এছ’চিয়েশ্যন আৰু তেলেংগানা গিগ এণ্ড প্লেটফৰ্ম ৱৰ্কাৰছ ইউনিয়নৰ সভাপতি শ্বেখ চালাউদ্দিনে সোমবাৰে কয় যে বিগত আঠ বছৰত মদ্যপান কৰি গাড়ী চলোৱাৰ ফলত হোৱা পথ দুৰ্ঘটনাৰ পৰা ইউনিয়নে অগণন লোকৰ জীৱন ৰক্ষা কৰিছে। নৱবৰ্ষৰ উদযাপন দ্ৰুতগতিত ওচৰ চাপি অহাৰ লগে লগে মদ্যপান কৰি গাড়ী চলোৱাৰ সমস্যা জনসাধাৰণৰ সুৰক্ষাৰ প্ৰতি এক ভয়াৱহ ভাবুকি হৈ পৰিছে। তেলেংগানা ফোৰ হুইলাৰ ড্ৰাইভাৰ এছ’চিয়েশ্যন আৰু তেলেংগানা গিগ এণ্ড প্লেটফৰ্ম ৱৰ্কাৰছ ইউনিয়নে ‘হুম আপকে সাথ হেইন’ অভিযানৰ জৰিয়তে আমাৰ পথসমূহ সুৰক্ষিত কৰাৰ বাবে পদক্ষেপ গ্ৰহণ কৰিছে।