আফ্ৰিকান ছুৱাইন ফ্লুত আক্ৰান্ত অসম, অৰুণাচলৰ গাহৰি জন্তুৰ পৰা মানৱ দেহালৈ নাযায় বিয়পি

অনলাইন বাৰ্তা, 3 মে’ঃ ক’ৰ’ণা ভাইৰাছৰ সংক্ৰমণ ৰোধ কৰাৰ বাবে লকডাউন অব্যাহত থকাৰ সময়তে অসম আৰু অৰুণাচল প্ৰদেশত সৃষ্টি হৈছে নতুন সমস্যা৷ এই দুয়োখন ৰাজ্যৰ গাহৰি আফ্ৰিকান ছুৱাইন ফ্লু (এএছএফ)ত আক্ৰান্ত হৈছে৷ ইয়াৰ নমুনা দুয়োখন ৰাজ্যই ভূপালৰ নেচনেল ইনষ্টিটিউট অব হাই ছিকিউৰিটি এনিমেল ডিজিজ (এনআইএইচএছডি)লৈ প্ৰেৰণ কৰা হৈছে৷ এনআইএইচএছডিয়ে পৰীক্ষা কৰি ধনাত্মক অৰ্থাৎ পজিটিভ পাইছে বুলি জনাইছে৷ উল্লেখ্য যে অসমৰ ছখন জিলাত যোৱা সপ্তাহত প্ৰায় দুহাজাৰ গাহৰিৰ মৃত্যু হয়৷ ইপিনে, ভূপালৰ প্ৰতিষ্ঠানখনলৈ ১৭টা নমুনা প্ৰেৰণ কৰা হয়৷ একেদৰে অৰুণাচল প্ৰদেশৰ পৰা ৬২টা নমুনা প্ৰেৰণ কৰে৷ অসম আৰু অৰুণাচলৰ পৰা প্ৰেৰণ কৰা নমুনাবোৰ এনআইএইচএছডিৰ পৰীক্ষাত ধনাত্মক হয়৷ বিশ্ব জন্তু স্বাস্থ্য সংস্থাৰ মতে আফ্ৰিকান ছুৱাইন ফ্লু ঘৰচীয়া আৰু বন্য গাহৰিৰ বাবে বিষম ৰোগ৷ ই যকৃতলৈ বিয়পি যায় বা গাহৰিৰ মৃত্যু হয়৷ এই ৰোগ জন্তুৰ পৰা মানৱ দেহালৈ বিয়পি নাযায়৷ সংশ্লেষিত খাদ্য আৰু জুটা, কাপোৰ, যানবাহন, কটাৰী, অন্যান্য সা-সৰঞ্জামৰ দ্বাৰা এই ৰোগ সংক্ৰমণ ঘটিব পাৰে বুলি বিশ্ব জন্তু স্বাস্থ্য সংস্থাই কয়৷ আনহাতে ক্লাছিকেল ছুৱাইন ফ্লু (চিএছএফ), কোনো ভেকছিন নাই আফ্ৰিকান ছুৱাইন ফ্লুৰ৷ ‘আমি চিএছএফৰ বাবে ভেকছিন সৰবৰাহ কৰিছিলো৷ কিন্তু যি জিলাত এই ৰোগৰ প্ৰাদুৰ্ভাৱ হৈছে তালৈ দিয়াতো বন্ধ কৰিছো৷ এএছএফৰ বাবে কোনো ভেকছিন বা ঔষধ নাই৷ ৰোগটো মানুহৰ দেহালৈ সংক্ৰমণ হোৱা নাই বুলি শনিবাৰে কয় কৃষি মন্ত্ৰী অতুল বৰাই৷ মন্ত্ৰী বৰাই জনাই যে গাহৰিৰ মাংসৰ গ্ৰহণ কৰিলে এএছএফৰ দ্বাৰা আক্ৰান্ত হোৱাৰ কোনো সম্ভাৱনা নাই৷ তেওঁ কয়, এই ৰোগ যাতে আন ঠাইলৈ বিয়পি নাযায় তাৰ বাবে ৰাজ্য চৰকাৰে ব্যৱস্থা গ্ৰহণ কৰিছে৷ উল্লেখ্য যে ছখন জিলাত বহু গাহৰি মৃত্যু হোৱাত অসম চৰকাৰে গাহৰি আৰু গাহৰি মাংস বিক্ৰীত নিষেধাজ্ঞা জাৰি কৰিছিল৷