মঙলদৈৰ বিজেপি নেতাৰ ঘৰত বুধবাৰে প্ৰদেশ কংগ্ৰেছ সভাপতি উপস্থিত হয়।বিজেপিৰ ৰাজ্যিক কাৰ্যনিৰ্বাহক, কোচ ৰাজবংশী সন্মিলনৰ সভাপতি তথা কোচ ৰাজবংশী উন্নয়ন পৰিষদৰ অধ্যক্ষ প্ৰনৱ নাৰায়ণ দেৱৰ মঙলদৈস্থ ঘৰত উপস্থিত হয় অসম প্ৰদেশ কংগ্ৰেছ সমিতিৰ সভাপতি ভূপেন বৰা। সাংবাদিকৰ সন্মুখত বৰাই যিবোৰ বিধানসভা সমষ্টিত লোকসভা নিৰ্বাচনত বিজেপিতকৈ কম ভোট লাভ কৰিছে সেইবোৰ সমষ্টিত পৰ্যবেক্ষণৰ এয়া কাৰ্য্যসূচী বুলি কোৱাৰ লগতে মঙলদৈৰ বিধায়ক বসন্ত দাসৰ লগতে আন তিনি কংগ্ৰেছী বিধায়ক যি কেইগৰাকীয়ে বিজেপি চৰকাৰক সমৰ্থন কৰি আছে সেই বিধায়ক কেইগৰাকীৰ পদ খাৰিজ কৰিব লাগে বুলি পুনৰ বাৰ দাবী কৰে কংগ্ৰেছ ৰাজ্যিক সভাপতি গৰাকীয়ে, অৱশ্যে প্ৰনৱ নাৰায়ণৰ ঘৰত ঘৰুৱা সম্পৰ্কৰ বাবে অহা বুলি মন্তব্য কৰে বৰাই। উল্লেখযোগ্য যে প্ৰদেশ কংগ্ৰেছৰ সভাপতি ভূপেন বৰাৰ ভন্টি বিজেপি নেতা প্ৰনৱ নাৰায়ণ দেৱৰ বৌৱেক হয়
