ভাৰতবৰ্ষৰ প্ৰথম গৰাকী মহিলা প্ৰধানমন্ত্ৰী তথা লৌহ মানৱী ইন্দিৰা গান্ধী আৰু চৰ্দাৰ বল্লভ ভাই পেটেলৰ ৩৮ সংখ্যক মৃত্যু বাৰ্ষিকী উপলক্ষে সমগ্ৰ দেশৰ লগতে নাজিৰা পৌৰ আৰু গ্ৰাম্য ব্লক কংগ্ৰেছ কমিটীৰ উদ্যোগত সফলতাৰে উদযাপন কৰা হয় । নাজিৰা ৰাজীৱ ভৱন প্ৰেক্ষাগৃহত আয়োজিত কাৰ্যসূচী মৰ্মে লৌহমানৱী ইন্দিৰা গান্ধী আৰু চৰ্দাৰ বল্লভ ভাই পেটেলৰ প্ৰতিচ্ছবিত মাল্যাপণ আৰু বন্তি প্ৰজ্বলনেৰে শ্ৰদ্ধাঞ্জলি অনুষ্ঠানৰ পাতনি মেলে গ্ৰাম্য ব্লক কংগ্ৰেছৰ কাৰ্যকৰী সভাপতি মৃদুল বৰগোহাঁয়ে । পিছত পৌৰ ব্লক কংগ্ৰেছৰ কাৰ্যকৰী সভাপতি আব্দুল ৰহমানৰ সভাপতিত্বত আৰু গ্ৰাম্য ব্লক কংগ্ৰেছৰ সাধাৰণ সম্পাদক দিগন্ত সন্দিকৈয়ে আতধৰা স্মৃতি চাৰণ অনুষ্ঠানত ব্লক মহিলা কংগ্ৰেছৰ সভানেত্ৰী কানন কাকলি বুঢ়া গোহাঁই , সমষ্টি যুৱ কংগ্ৰেছৰ সভাপতি আৰফান আজম , সমষ্টি এন এছ ইউ আইৰ সভাপতি প্ৰৱাল বৰুৱা , পৌৰ ব্লক কংগ্ৰেছৰ সাধাৰণ সম্পাদক পৰশমণি কলিতা , শিমলুগুৰি নগৰ সমিতিৰ প্ৰাক্তন সভানেত্ৰী স্বপ্না শইকীয়া , তুলুমণি কোৱৰ , আইনু বৰগোহাঁই আদিকে ধৰি ভালেকেইজনে প্ৰয়াত ইন্দিৰা গান্ধী আৰু চৰ্দাৰ বল্লভ ভাই পেটেনৰ জীৱনাদৰ্শ ওপৰত আলোকপাত কৰে ।
