ধুবুৰীৰ বিভিন্ন ঘাটত থকা চাহৰ দোকান আৰু লঞ্চৰ পৰা ১২ গৰাকী শিশু শ্ৰমিকক উদ্ধাৰ কৰিবলৈ সক্ষম হয় চাইল্ড লাইন আৰু শ্ৰম বিভাগে।
ধুবুৰীৰ চহৰৰ পাঁচ খন পাৰঘাট ক্ৰমে শিৰিঘাট, কাছাৰী ঘাট, যোগোমায়া ঘাট,পঞ্চুঘাটৰ লগতে নিউঘাটত চলালে অভিযান৷
যি বয়সত স্কুলত পঢ়িব লাগে তাৰ পৰিৱৰ্তে শিশুসকলে শ্ৰমিক হিচাপে আনৰ দোকানত কাম কৰিছে! তেওঁলোকক উদ্ধাৰৰ বাবে অনাগত দিনত অভিযান অব্যাহত থাকিব বুলি উল্লেখ কৰিলে ধুবুৰীৰ চাইল্ড লাইনে।
এই সকল শিশু শ্ৰমিকক কামত নিয়োগ কৰা ধুবুৰীৰ বিভিন্ন পাৰ ঘাটৰ দোকানৰ মালিক সকলৰ বিৰুদ্ধে ধুবুৰীৰ চাইল্ড লাইন আৰু শ্ৰম বিভাগে কি পদক্ষেপ গ্ৰহণ কৰিব সেয়া পৰৱৰ্তী সময়ত হ’ব লক্ষ্যনীয়।