নগাঁৱত পুনৰ আজিৰ দিনটোত ১২৩ গৰাকী লোক আক্ৰান্ত ক’ৰোণাত

নগাঁৱত  পুনৰ আজিৰ দিনটোত ১২৩ গৰাকী লোক আক্ৰান্ত ক’ৰোণাত# দ্ৰুত গতিত বৃদ্ধি পাইছে ক’ৰোণাৰ সংক্ৰমণ:সৰ্বমুঠ ৫৭০ আক্ৰান্ত

কোভিড ১৯ৰ দ্বিতীয় লহৰে এতিয়া সমগ্ৰ  নগাঁও জিলাত এতিয়া ভয়াবহ ৰূপ ধাৰণ কৰিছে।প্ৰতিদিনে নগাঁও জিলাত দ্ৰুত গতিত বৃদ্ধি পাই আছে ক’ৰোণাৰ সংক্ৰমণ। আজিৰ দিনটোতে পুনৰ নগাঁৱত ১২৩জন লোকৰ দেহত ধৰা পৰিল ক’ভিদ ১৯ৰ সংক্ৰমণ। ইয়াৰে ১১৮জনক এণ্টিজেন টেষ্ট আৰু ৫ জনক আৰটিপিচিআই টেষ্টৰ জৰিয়তে ক’ভিদ ১৯ পজিটিভ বুলি চিনাক্ত কৰিছে স্বাস্থ্য বিভাগে। ইয়াৰে ৮ গৰাকীক ক’ভিড চিকিৎসালয়ত ভৰ্তি কৰোৱাৰ বিপৰীতে ১১৫ গৰাকী  হ’ম কোৱাৰীণ্টাইন হৈ আছে। নগাঁৱত বৰ্তমানলৈকে ৫৭০ জন লোক ক’ৰোনাত আক্ৰান্ত হৈ চিকিৎসাধীন হৈ আছে। আনহাতে আজিৰ দিনটোত ক’ৰোণাৰ পৰা আৰোগ্য লাভ কৰিছে  ৩৮জন ব্যক্তিয়ে। ইয়াৰে ৩৪ জন হোম আইছ’লেচনত আছিল আৰু ৪ জন নগাঁৱৰ ভোগেশ্বৰী ফুকননী অসামৰিক চিকিৎসালয়ত ভৰ্তি হৈ আছিল।