মিচিং স্বায়ত্তশাসিত পৰিষদৰ ক্ৰীড়া বিভাগৰ উদ্যোগত ১৭ বছৰ অনুৰ্ধৰ ল’ৰাৰ ফুটবলৰ আৱাসিক প্ৰশিক্ষণ শিবিৰ ইতিমধ্যে আৰম্ভ হৈছে ৷ ধেমাজি জিলাৰ মিংমাং ৰূপহী মিচিং গাঁওস্থিত পেঞ্চাক চিলাট আৱাসিক বিদ্যালয়ৰ খেলপথাৰ অনুষ্ঠিত হোৱা উক্ত আৱাসিক প্ৰশিক্ষণ শিবিৰত মিচিং স্বায়ত্তশাসিত পৰিষদৰ অন্তৰ্গত ৮ টা জ’নৰ মুঠ ১৪৪ গৰাকী খেলুৱৈয়ে অংশগ্ৰহণ কৰিছে ৷ প্ৰতিটো জ’নত আছে ১৮ গৰাকীকৈ খেলুৱৈ ৷ [Football Workshop]
ফুটবল প্ৰশিক্ষক হিচাপে আছে যুৱৰাজ মিলি, কুশল বড়ি, সহকাৰী প্ৰশিক্ষক হিচাপে আছে ৰিপু নাৰ্জাৰী আৰু মহানন্দ মিলি ৷ সমগ্ৰ প্ৰশিক্ষণ শিবিৰ পৰিচালনা কৰিছে টি এম পি কেৰ কেন্দ্ৰীয় সদস্য সঞ্জীৱ মিলিয়ে ৷ প্ৰশিক্ষণৰ তদাৰক হিচাপে আছে মণিৰাম পেগু৷ এমাহ জোৰা প্ৰশিক্ষণৰ অন্তত প্ৰতিটো জ’নৰ মাজত লীগ পৰ্যায়ত ফুটবল প্ৰতিযোগিতা অনুষ্ঠিত হ’ব ৷ কালি মিচিং স্বায়ত্তশাসিত পৰিষদৰ মুখ্য কাৰ্যবাহী সদস্য পৰমানন্দ ছায়েঙীয়াই প্ৰশিক্ষণ শিবিৰত উপস্থিত খেলুৱৈসকলক বিভিন্ন দিহা-পৰামৰ্শ আগবঢ়ায় ৷ উ
উল্লেখযোগ্য যে, মিংমাং ৰূপহী পাহাৰৰ সমতল ভূমিৰ সেউজীয়া মনোৰম পৰিৱেশত অনুষ্ঠিত হৈ থকা উক্ত প্ৰশিক্ষণ শিবিৰ ৫ জানুৱাৰীত উদ্ধোধন কৰে মিচিং স্বায়ত্তশাসিত পৰিষদৰ ক্ৰীড়া বিভাগৰ কাৰ্যবাহী সদস্য প্ৰভাত বসুমতাৰীয়ে ৷