গোলাঘাটত আজিৰে পৰা ১৮ বছৰৰ পৰা ৪৪ বছৰ লোক সকলক প্ৰথম পৰ্যায়ৰ কভিড ভেকচিন প্ৰদান কৰা হয়। স্বাস্থ্য বিভাগৰ উদ্যোগত গোলাঘাট নগৰৰ দুটাকৈ কোভিড-১৯ প্ৰতিৰোধী ভেকচিন কেন্দ্ৰত কভেকচিনৰ প্ৰথম ভেকচিন প্ৰদান কৰা হৈছে । গোলাঘাট স্পৰ্টছ অথৰটি কমপ্লেক্সত আৰু মাৰোৱাৰী সন্মিলন গোলাঘাট শাখাৰ সহযোগত সুভাষ কলনি স্থিত গজানন্দ জালান সেৱা সদনত ভেকচিন প্ৰদান কৰিছে স্বাস্থ্য বিভাগে । অনলাইন যোগে ৰেজিস্ট্ৰেছন কৰা লোকক দুয়োটা ভেকচিন কেন্দ্ৰতে ১৫০ জনকৈ মুঠ ৩০০ লোকক ভেকচিন প্ৰদান কৰা হ’ব। ভেকচিন ল’বলৈ ৰাতিপুৱাৰে পৰা দুয়োটা কেন্দ্ৰতে জনসাধাৰণে শাৰী পতাৰ পৰিলক্ষিত হয়।
