লাডাখৰ প্ৰকৃত নিয়ন্ত্রণ ৰেখাত ভাৰত আৰু চীনৰ মাজত সংঘৰ্ষ চলি আছে৷ সোমবাৰে নিশা গলৱান উপত্যকাত চীন সেনাৰ গুলীত ভাৰতীয় সেনাৰ এজন কৰ্ণেল আৰু দুজন জোৱান নিহত হয়৷ উল্লেখ্য যে কিছুদিনৰ আগতে দুয়োপক্ষৰ ব্রিগেডিয়াৰ পর্যায়ৰ বৈঠক আৰম্ভ হৈছিল৷ তাৰ পাছতে এই সংঘৰ্ষ হয়৷ মঙলবাৰে দুপৰীয়া এক বিবৃতিত ভাৰতীয় সেনাই জনায় যে গলৱান উপত্যকাত উত্তেজনা প্ৰশমন প্ৰক্ৰিয়া চলি থকা সময়তে নিশা সংঘৰ্ষ আৰু মৃত্যুৰ ঘটনা ঘটে৷ ভাৰতীয় সেনাৰ বিষয়া আৰু দুজন জোৱান মৃত্যু হৈছে৷ দুয়োপক্ষৰ শীৰ্ষ পৰ্যায়ৰ বিষয়াই পৰিস্থিতি নিয়ন্ত্ৰণৰ সভা কৰিছে৷ ভাৰতীয় সেনাৰ তৰফৰ পৰা লগতে জনায় যে চীন সেনাৰ গুলীত তিনিজন ভাৰতীয় সেনাৰ মৃত্যু হয়৷ দুয়ো দেশৰ মুখামুখি সংঘৰ্ষত শ্বহীদ হয় এজন কৰ্ণেল আৰু দুজন জোৱানৰ৷ আনহাতে বেইজিঙে দাবী কৰে যে ভাৰতীয় সেনাই নিয়ন্ত্ৰণ ৰেখা পাৰ হৈ চীনৰ ভূখণ্ডত আক্ৰমণ কৰিছিল৷ সংবাদ প্ৰতিষ্ঠানৰ বাতৰি মতে চীনৰ বৈদেশিক মন্ত্ৰীয়ে ভাৰতক এক পদক্ষেপ নল’বলৈ কৈছে৷
