আমগুৰিত মাৰণাস্ত্ৰ সহ চাৰি যুৱকক আটক আমগুৰি আৰক্ষীৰ : তিনিটা মাৰণাস্ত্ৰ ১২ জাঁই সজীৱ গুলী জব্দ।
আমগুৰি আৰক্ষীয়ে গোপন সূত্ৰৰ পম খেদি তিনিটাকৈ মাৰণাস্ত্ৰ আৰু ১২ জাঁই সজীৱ গুলী সহ আটক কৰিছে চাৰি যুৱকক ॥ আমগুৰি আৰক্ষীয়ে থানাৰ সন্মুখতে AS 05 R 2703 পালচাৰ বাইক আৰু AS 05 Q 9093 স্কুটিত অহা চাৰিজন যুৱকক আটক কৰিবলৈ সক্ষম হয় ॥
আটকাধীন যুৱক দুজনৰ পৰা দুটা ৯ এম এম পিষ্টল আৰু এটা হস্তনিৰ্মিত পিষ্টল, ৯ এম এম পিষ্টলৰ ২ জাঁই সজীৱ গুলী, ১০ জাঁই হস্তনিৰ্মিত পিষ্টলৰ গুলীৰ লগতে চাৰিটাকৈ মোবাইল ফোন জব্দ কৰিছে আমগুৰি আৰক্ষীয়ে ॥
যুৱক কেইজন মৰিয়ণিৰ পৰা জাঁজী দিশে গৈ থকা অৱস্থাতে আৰক্ষীৰ জালত পৰে ॥
আটকাধীন চাৰি যুৱক ক্ৰমে, জন বসুমতাৰী, যতীন বড়ো, গোপী হাজোৱাৰী আৰু শিৱ হেমব্ৰম বুলি জানিব পৰা গৈছে ॥চাৰিও যুৱকৰ ঘৰ গোলাঘাট জিলাৰ সৰুপথাৰৰ উৰিয়ামঘাটত ॥
মেৰাপানীৰ চিচুপানীৰ পৰা অনা মাৰণাস্ত্ৰ কেইটা কোনো অজ্ঞাত লোকক যোগান ধৰিবলৈ যুৱককেইজন আহিছিল বুলি জানিবলৈ দিয়ে আমগুৰি আৰক্ষীয়ে ॥শিৱসাগৰ উচ্চপদস্থ আৰক্ষী বিষয়া আমগুৰি থানাত উপস্থিত হৈ তদন্ত অব্যাহত কৰে ॥