দৈনন্দিন বাৰ্তা
একালত তাৰকাৰ পিছত থাকি নৃত্য কৰি বলীউডত জীৱন আৰম্ভ কৰা শ্বাহিদ কাপুৰ আজি অন্যতম প্রতিভাবান আৰু জনপ্রিয় অভিনেতা। এইজন অভিনেতাই এতিয়া মানুহক সহায় কৰাৰ চেষ্টা অব্যাহত ৰাখিছে৷ হায়দৰ খ্যাত শ্বাহিদ কাপুৰে অতীতৰ অৱস্থানত থকা লোকক সাহায্য দিয়াত বিভিন্নজনে প্ৰশংসা কৰিছে৷ যিসকলৰ লগত তেওঁ জীৱন আৰম্ভণিৰ ছবিত কাম কৰিছিল সেই ৪০ গৰাকী বেকগ্ৰাউণ্ড ডান্সাৰক আৰ্থিক সাহায্য দিলে শ্বাহিদ কাপুৰে৷ প্ৰাক্তন নৃত্যশিল্পী ৰাজ সুৰানিয়ে জনায় যে যাৰ সৈতে শ্বাহিদ কাপুৰে কাম কৰিছিল তেওঁলোকৰ বেংক একাউণ্টত সম্প্ৰতি তেওঁ টকা পঠিয়াইছে৷ সিই ৪০ গৰাকীক আগন্তুক দুমাহ ধৰি সাহায্য দিব বুলি জনাইছে৷ উল্লেখ্য যে তেওঁ এখন তালিকা প্ৰস্তুত কৰিছিল৷ ‘ইছক ভিছক’ ছবিখন কৰাৰ সময়ত তেওঁৰ সৈতে কাম কৰা বহুৰে সময় বেয়াকৈ গৈছে৷ ইয়াৰ উপৰি আন কেইখনমান ছবিত কাম কৰাসকলক লৈও তালিকাভুক্ত কৰিছে৷