হাৰিয়ানাৰ পঞ্চকুলা জিলাত সোমবাৰে পুৱা এখন বাছ বাগৰি পৰাত কেইবাজনো স্কুলীয়া ছাত্ৰসহ কমেও ৪০ জন লোক আহত হয়। পিনজোৰ নগৰৰ নৌলাটা গাঁৱৰ সমীপত সংঘটিত হৈছে এই ঘটনা। আহত লোককেইজনক চিকিৎসাৰ বাবে পঞ্চকুলাৰ পিঞ্জোৰ হাস্পতাল আৰু ছেক্টৰ ৬ অসামৰিক চিকিৎসালয়ত ভৰ্তি কৰোৱা হৈছে। ছ’চিয়েল মিডিয়াত এটা ভিডিঅ’ত কেইবাজনো আহত স্কুলীয়া ছাত্ৰ-ছাত্ৰীক চিকিৎসালয়ত চিকিৎসাধীন হৈ থকা দেখা গৈছে।
আৰক্ষীৰ মতে, বাছ চালকজনে অতি বেগেৰে চলাৰ বাবেই এই দুৰ্ঘটনা সংঘটিত হয়। ইয়াৰ লগতে যিহেতু বাছখন যাত্ৰীৰে নিজৰ ক্ষমতাৰ বাহিৰত ভৰি পৰিছিল, সেয়েহে অতিৰিক্ত বোজা আৰু পথৰ দুৰ্বল অৱস্থাকো দুৰ্ঘটনাৰ অতিৰিক্ত কাৰণ হিচাপে আৰোপ কৰা হৈছে। ইফালে পঞ্চকুলাৰ কলকা বিধানসভা সমষ্টিৰ কংগ্ৰেছ বিধায়ক প্ৰদীপ চৌধৰীয়ে তদন্ত আৰম্ভ কৰা বুলি জানিবলৈ দিয়ে।