এছিয়া ইনডেক্স প্ৰাইভেট লিমিটেডে বিএছইৰ স্মলকেপ আৰু মিডকেপ সূচকাংকত অন্তৰ্ভুক্ত ষ্টকত বৃহৎ সালসলনি কৰাৰ সিদ্ধান্ত লৈছে। এছিয়া ইনডেক্সে বিএছইৰ স্মলকেপ ইনডেক্সত ৫৪টা ষ্টক অন্তৰ্ভুক্ত কৰাৰ সিদ্ধান্ত লৈছে। গতিকে জিঅ’ ফাইনেন্সিয়েল চাৰ্ভিচেছ বিএছইৰ লাৰ্জ কেপ ইনডেক্সৰ অংশ হ’ব। এই পৰিৱৰ্তন ২০২৪ চনৰ ১৮ মাৰ্চৰ পৰা কাৰ্যকৰী হ’ব।
বিএছই আৰু এছ এণ্ড পি ডাউ জ’নছ ইনডেক্সৰ সৈতে অংশীদাৰিত্বৰে এছিয়া প্ৰাইভেট ইনডেক্স প্ৰস্তুত কৰা হৈছে। টাটা টেকন’লজিছ, জে এছ ডব্লিউ ইনফ্ৰাষ্ট্ৰাকচাৰ, ভাৰতীয় নবীকৰণযোগ্য শক্তি উন্নয়ন সংস্থাক বি এছ ই মিডকেপ সূচকাংকত অন্তৰ্ভুক্ত কৰা হৈছে।
ৰিলায়েন্স গ্ৰুপৰ জিঅ’ ফাইনেন্সিয়েল চাৰ্ভিচেছ একমাত্ৰ কোম্পানী যিটো বিএছই লাৰ্জ কেপ ইনডেক্সত অন্তৰ্ভুক্ত হ’ব। বিএছইৰ অলকেপ সূচকাংকতো অন্তৰ্ভুক্ত হৈছে জিঅ’ ফাইনেন্সিয়েল। বিএছই লাৰ্জ কেপ আৰু মিডকেপ সূচকাংকৰ পৰা কোনো ষ্টক বাদ দিয়া হোৱা নাই।
বিএছইৰ অলকেপ সূচকাংকত ৫৯টা ষ্টক অন্তৰ্ভুক্ত কৰা হৈছে। আনহাতে বিএছইৰ স্মল কেপত ৫৪টা শ্বেয়াৰ অন্তৰ্ভুক্ত কৰা হৈছে। বিএছই স্মলকেপত চেলো ৱৰ্ল্ড, হোনাছা কনজিউমাৰ, কনকৰ্ড বায়’টেক, টিভিএছ হোল্ডিং, বাজাজ ইলেক্ট্ৰিকেলছ, হেপি ফৰ্জিং, ডমছ ইণ্ডাষ্ট্ৰীজ আৰু ইনক্স ইণ্ডিয়াকো অন্তৰ্ভুক্ত কৰা হ’ব।
ইয়াৰ উপৰিও উত্তকৰ্শ স্মল ফাইনেন্স বেংক, ফেডবেংক ফাইনেন্সিয়েল চাৰ্ভিচেছ, চেংকো গোল্ড, নুভামা ৱেলথ মেনেজমেণ্ট, চাই চিল্ক (কালামন্দিৰ), আইডিয়াফৰ্জ টেকন’লজিছ, ইনোভা কেপটাব, গন্ধাৰ অইল ৰিফাইনেৰী, যাত্ৰা অনলাইন আৰু ক্ৰেডো ব্ৰেণ্ডকো বিএলইৰ স্মলকেপ সূচকাংকত অন্তৰ্ভুক্ত কৰা হৈছে। .
বিএছই মিডকেপ আৰু স্মলকেপ সূচকাংকত অন্তৰ্ভুক্ত কৰা বেছিভাগ কোম্পানীয়েই হৈছে শেহতীয়াকৈ আইপিঅ’ আৰম্ভ কৰা আৰু ষ্টক এক্সচেঞ্জত তালিকাভুক্ত হোৱাৰ পিছত বিনিয়োগকাৰীক শক্তিশালী ৰিটাৰ্ণ দিয়া কোম্পানী। এছিয়া ইনডেক্সে বিএছই এছএমই আইপিঅ’ সূচকাংকৰ পৰা ৮টা ষ্টক বাদ দিছে।