ধনীলোকৰ ওপৰত অত্যধিক কৰ আৰোপৰ পক্ষত বিশ্বৰ ৬৮শতাংশ লোক! সমীক্ষাত অংশগ্ৰহণ কৰা ১৭ খন জি-২০ দেশৰ…
জি-২০ৰ ১৭ খন দেশত কৰা এক সমীক্ষাত প্ৰকাশ পাইছে যে অৰ্থনীতি আৰু জীৱন শৈলীৰ বৃহৎ পৰিৱৰ্তনৰ বাবে ধন আগবঢ়োৱাৰ মাধ্যম হিচাপে ধনীলোক সকলে নিজৰ সম্পত্তিৰ ওপৰত অধিককৰ আদায় দিয়া নীতি প্ৰস্তাৱটোক গৰিষ্ঠ সংখ্যক প্ৰাপ্ত বয়স্কই (৬৮শতাংশ) সমৰ্থন কৰে।এক বিবৃতি অনুসৰি জলবায়ু পৰিৱৰ্তন আৰু প্ৰকৃতি সুৰক্ষাৰ বিষয়ে চিন্তা কৰাৰ সময়ত সমীক্ষাত অংশগ্ৰহণ কৰা ১৮ খন জি-২০ দেশৰ ৭১ শতাংশ লোকে বিশ্বাস কৰে যে কাৰ্বন নিৰ্গমন হ্ৰাস কৰিবলৈ তৎক্ষণাত অহা দশকৰ ভিতৰত বৃহৎ ব্যৱস্থা গ্ৰহণৰ প্ৰয়োজন।Earth4All আৰুগ্ল’ বেলকমনছ এলায়েন্সৰ নিৰ্দেশত কৰা এই সমীক্ষাত জি-২০ৰ ১৮ খন দেশৰ অৰ্থনৈতিক আৰু ৰাজনৈতিক পৰিৱৰ্তনৰ সমৰ্থনৰ সন্ধান কৰা হৈছে।অধিক কাৰ্বনকৰ, আয়ৰ ওপৰত অধিক প্ৰগতিশীল কৰ আৰু অৰ্থনীতি আৰু জীৱনশৈলীৰ ডাঙৰ পৰিৱৰ্তনৰ আৰু পুঁজিৰ বাবে বৃহৎ ব্যৱসায়ীসকলৰ বাবে অধিক কৰ হাৰেও সমীক্ষাত অংশগ্ৰহণ কৰা ১৭ খন জি-২০ দেশৰ সংখ্যা গৰিষ্ঠতাৰ পৰা সমৰ্থন লাভ কৰে।
বিবৃতিটোত আৰু কোৱা হৈছে যে জনসাধাৰণে ৰাজনৈতিক আৰু অৰ্থনৈতিক সংস্কাৰ বিচাৰে।সমীক্ষাত অংশগ্ৰহণ কৰা ১৭ খন জি-২০ দেশৰ প্ৰতি তিনিজন লোকৰ ভিতৰত দুজনে (৬৮শতাংশ) এই কথাত একমত হৈছিল যে অৰ্থনীতিৰ কাম-কাজৰ ধৰণত কেৱল লাভ আৰু সম্পদ বৃদ্ধিৰ ওপৰত গুৰুত্ব দিয়াতকৈ মানুহ আৰু প্ৰকৃতিৰ স্বাস্থ্য আৰু মংগলক অগ্ৰাধিকাৰ দিয়া উচিত। ইপছ’ছে (Ipsos) কৰা সমীক্ষা অনুসৰি ৭০ শতাংশই ধনীলোকৰ ওপৰত আয়কৰ অধিক হাৰ দিয়াৰ সমৰ্থন কৰে আৰু ৬৯ শতাংশই বৃহৎ ব্যৱসায়ৰ ওপৰত অধিক কৰ হাৰ দিয়াৰ পক্ষপাতী। ধনীলোকৰ ওপৰত সম্পদ কৰ লোৱাৰ সমৰ্থন ইণ্ডোনেছিয়া (৮৬%), তুৰস্ক (৭৮%), গ্ৰেট ব্ৰিটেইন (৭৭%) আৰু ভাৰত (৭৪%)ত সৰ্বাধিক আছিল।চৌদি আৰব (৫৪%), আৰু আৰ্জেণ্টিনা (৫৪%)ত সমৰ্থন আটাইতকৈ কম আছিল।
আমেৰিকা, ফ্ৰান্স আৰু জাৰ্মানীত সমীক্ষাত অংশগ্ৰহণ কৰা প্ৰতি তিনিজনৰ ভিতৰত প্ৰায় দুজনে ধনীলোকৰ ওপৰত সম্পদকৰ লোৱাৰ সমৰ্থন কৰে (ক্ৰমে৬৭%, ৬৭% আৰু৬৮%)।জলবায়ু পৰিৱৰ্তন আৰু প্ৰাকৃতিক সুৰক্ষাৰ বিষয়ে সমীক্ষাত অংশগ্ৰহণ কৰা ১৮ খন জি-২০দেশৰ ৭১% নাগৰিকে বিশ্বাস কৰে যে বিশ্বই তৎক্ষণাত, এটা দশকৰ ভিতৰত বিদ্যুৎ, পৰিবহণ, খাদ্য, উদ্যোগ আৰু অট্টালিকাৰ পৰা কাৰ্বন নিৰ্গমন হ্ৰাস কৰাৰ বাবে ব্যৱস্থা গ্ৰহণ কৰাটো প্ৰয়োজন।”এই বিশ্বাস জৰীপ কৰা মেক্সিকান সকল ৯১%, দক্ষিণ আফ্ৰিকাৰ৮৩% আৰু ব্ৰাজিলৰ৮১%লৈ বৃদ্ধি পাইছে। এই বিশ্বাস আটাইতকৈ কম–কিন্তু এতিয়াও উত্তৰ দাতাৰ আধাতকৈও অধিক–চৌদি আৰব (৫২%), জাপান (৫৩%), আমেৰিকা (৬২%) আৰু ইটালী (৬২%),”বিবৃতিটোত প্ৰকাশ পাইছে।
২০২৪ চনৰ জুলাই মাহত ব্ৰাজিলত আমেৰিকা, চীন, ভাৰতকে ধৰি জি-২০দেশৰ বিত্তমন্ত্ৰী সকলৰ বৈঠক অনুষ্ঠিতহ’ব।প্ৰথমবাৰৰ বাবে এই ৰাষ্ট্ৰসমূহে অৰ্থনৈতিক আৰু পৰিৱেশগত প্ৰত্যাহ্বান সমূহৰ সৈতে মোকাবিলা কৰাৰ কৌশলৰ ওপৰত আলোচনা কৰাৰ সময়তে সম্পদকৰ কাৰ্যসূচীত আছে।আৰ্থ৪অল পদক্ষেপৰ সহ-নেতা ওৱেনগাফনী য়ে কয়, “ৰাজনীতিবিদ সকললৈ দিয়া বাৰ্তা ইয়াতকৈ স্পষ্ট হ’ব নোৱাৰে।বিশ্বৰ বৃহত্তম অৰ্থনীতি সমূহৰ আমি জৰীপ কৰা বিপুল সংখ্যক লোকে বিশ্বাসক ৰে যে জলবায়ু পৰিৱৰ্তনৰ সৈতে মোকাবিলা আৰু প্ৰাকৃতিক সুৰক্ষাৰ বাবে এই দশকত বৃহৎ তাৎক্ষণিক ব্যৱস্থাৰ প্ৰয়োজন।”