বিজনী বিধায়ক কমল সিং নাৰ্জাৰীয়ে অসমীয়া ছবি জগতৰ জনপ্ৰিয় অভিনেত্ৰী তথা বটদ্ৰৱা সমষ্টিৰ বিধায়িকা আঙুৰলতা ডেকাক অশ্লীল ভাষাৰে সম্বোধন কৰা সন্দৰ্ভত বিজনী বিজেপিয়ে প্ৰতিক্ৰিয়া প্ৰকাশ কৰিছে। চিৰাঙৰ বিজনীত বিপিএফৰ সভাত বিজনী বিধান সভা সমষ্টিৰ বিধায়ক কমল সিং নাৰ্জাৰীয়ে বিজেপিৰ বিধায়ক আঙুৰলতা ডেকাক বেশ্যা বুলি সম্বোধন কিৰিছিল। আঙুৰলতা ডেকাই বিটিচিৰ ভিচিডিচি সমুহ ভংগৰ কথা কোৱাত বিধায়কজনে কয় যে “আঙুৰলতা ডেকাৰ দৰে বেশ্যাৰ কথাত ভাৰতীয় সংবিধানে স্বীকৃতি দিয়া ভিচিডিচি ভংগ নহয়”।
বটদ্ৰৱা সমষ্টিৰ বিধায়িকা আঙুৰলতা ডেকাক অশ্লীল ভাষাৰে সম্বোধন কৰা সন্দৰ্ভত বিজনী বিজেপি দলৰ প্ৰতিক্ৰিয়া প্ৰকাশ কৰাৰ লগতে বিজনী বিধায়ক কমলসিং নাৰ্জাৰীৰ বিৰুদ্ধে বিজনী থানাত এজাহাৰ দাখিল কৰে।
বিজনী বিধায়ক কমলসিং নাৰ্জাৰীক বিজনী বজাৰত চেণ্ডেলৰ মালা পিন্ধাই ঘূৰোৱা উচিত বুলি মন্তব্য বিজনী বিজেপি দলৰ যুৱ মৰ্চাৰ ।