কোকৰাঝাৰত উৎসৱমুখৰ পৰিৱেশ, আজি BTRৰ মুৰব্বী হিচাপে শপত ল’ব প্ৰমোদ বড়োৱে
ৰাজ্যপালে জনোৱা আহ্বান ক্ৰমে আজি পুৱা ১০ বজাত BTRৰ মুখ্য কাৰ্যবাহী সদস্য হিচাপে শপত গ্ৰহণ কৰিব UPPLৰ সভাপতি প্ৰমোদ বড়োৱে৷ BTRৰ প্ৰথমজন মুখ্য কাৰ্যবাহী সদস্য হ’ব প্ৰমোদ বড়ো৷
কিয়নো এতিয়া বড়োলেণ্ড টেৰিটৰিয়েল কাউন্সিলৰ পৰা উন্নীত হৈছে বড়োলেণ্ড টেৰিটৰিয়েল ৰিজনলৈ৷
প্ৰমোদ বড়ো নেতৃত্বাধীন UPPL-এ BJP আৰু নৱ কুমাৰ শৰণীয়া নেতৃত্বাধীন GSPৰ সৈতে সন্মিলিত চৰকাৰ গঠন কৰিবলৈ সাজু হৈছে৷ কোকৰাঝাৰৰ বডোফা নগৰৰ গ্ৰীন ফিল্ডত আয়োজিত এক বিশাল গণ সমাবেশত প্ৰমোদ বড়োক শপত বাক্য পাঠ কৰাব ৰাজ্যপালৰ হৈ নামনি অসমৰ আয়ুক্তই৷
মুখ্যমন্ত্ৰী সৰ্বানন্দ সোণোৱাল, ত্ৰিপুৰাৰ উপ-মুখ্যমন্ত্ৰী জিষ্ণু দেৱবাৰ্মা, NEDAৰ আহ্বায়ক ড০ হিমন্ত বিশ্ব শৰ্মা, ৰাজ্যিক বিজেপিৰ সভাপতি ৰঞ্জিত কুমাৰ দাস, অসম চৰকাৰৰ কেইবাজনো মন্ত্ৰী-বিধায়ক উপস্থিত থাকিব শপত গ্ৰহণ অনুষ্ঠানত ৷
