লোকসভা নিৰ্বাচনৰ প্ৰচাত নামিল ‘ৰামচন্দ্ৰ’, কাষত ‘সীতা আৰু লক্ষ্মণ’
লোকসভা নিৰ্বাচনৰ প্ৰচাত নামিল ‘ৰামচন্দ্ৰ’। বিজেপি প্ৰাৰ্থী অৰুণ গোভিলক সৰু পৰ্দাত ৰামচন্দ্ৰৰ চৰিত্ৰত অভিনয় কৰা দেখা গৈছিল। সীতা আৰু লক্ষ্মণ আছিল ক্ৰমে দীপিকা চিখালিয়া আৰু সুনীল লাহৰী। ৰামৰ চৰিত্ৰটোৱে অৰুণ গোভিলক জনপ্ৰিয় কৰি তুলিছিল। এতিয়া ঘটনাক্ৰম সলনি হৈছে। সৰু পৰ্দাৰ ‘ৰামচন্দ্ৰ’ই লোকসভা নিৰ্বাচনত জয়ী হ’ব বিচাৰে। গতিকে ‘সীতা’ আৰু ‘লক্ষ্মণ’ ক লগত লৈ তেওঁ হাত জোৰ কৰি মানুহৰ আদালতত হাজিৰ হৈছে। দৰ্শকৰ মনত অৰুণ গোভিলৰ উজ্জ্বল উপস্থিতি এতিয়াও ৰামৰ অৱতাৰৰ ৰূপতে আছে। ভাৰতীয় জনতা পাৰ্টীয়ে মীৰাটত ভোটৰ ৰণ অতিক্ৰম কৰাৰ দায়িত্ব অভিনেতাজনৰ কান্ধতে অৰ্পণ কৰিছে।
দায়িত্ব পোৱাৰ পিছত অৰুণ প্ৰচাৰৰ ক্ষেত্ৰত নামি পৰিছে। বিৰোধীৰ এটা অংশই গোভিলে নিৰ্বাচনী আচৰণ বিধি উলংঘন কৰাৰ বিষয়ে নিৰ্বাচন আয়োগৰ ওচৰত অভিযোগ কৰিছে । কেৱল এয়াই নহয়, মীৰাটৰ পল্লৱপুৰমত প্ৰচাৰ চলাই থকা সময়ত অৰুণ গোভিলে প্ৰতিবাদৰ সন্মুখীন হ’ব লগা হৈছে। অঞ্চলটোৰ বাসিন্দাসকলে ‘গো বেক’ শ্লোগানেৰে বিজেপি প্ৰাৰ্থীগৰাকীৰ বিৰুদ্ধে ক্ষোভ প্ৰকাশ কৰিছে।অৱশ্যে, অৰুণে এইবোৰ প্ৰতিবাদলৈ কেৰেপ কৰা নাই। তেওঁ ৰাইজৰ পৰা ভাল সঁহাৰি পোৱা বুলি দাবী কৰিছে।
জ্যেষ্ঠসকলেও তেওঁৰ মূৰত হাত থৈ তেওঁক আশীৰ্বাদ দিছে। এইবাৰ দীপিকা চিখালিয়া আৰু সুনীল লাহৰী তেওঁৰ কাষত থিয় হৈছে।ইয়াৰ পূৰ্বে ৰাম মন্দিৰৰ উদ্বোধনৰ সময়ত ৰাম, সীতা আৰু লক্ষ্মণে একেলগে খোজকাঢ়ি অযোধ্যা চহৰত প্ৰৱেশ কৰিছিল। দৰ্শকৰ চকু আনন্দৰ চকুপানীৰে ভৰি পৰিছিল। । ৰাজনীতিৰ লগতে, অৰুণ গোভিলে ছবিৰ বাবেও কাম কৰি আছে। তেওঁক পুনৰ ‘ৰামায়ণ’ত দেখা যাব। এইবাৰ তেওঁ নীৰজ পাণ্ডেৰ দ্বাৰা পৰিচালিত ছবিখনত দশৰথৰ চৰিত্ৰত অভিনয় কৰিছে। দৰ্শকসকলে এই ছবিখনত ৰণবীৰ কাপুৰক ৰাম চন্দ্ৰৰ চৰিত্ৰত চাবলৈ আগ্ৰহেৰে অপেক্ষা কৰি আছে।