পুৰুষতকৈ মহিলাসকলে অধিক দুৰ্বল স্বাস্থ্যৰ সমস্যাত ভুগিবলগীয়া হয়। বিশ্বজনীন লিংগ স্বাস্থ্যৰ ব্যৱধানৰ ভিত্তিত কৰা বিশ্লেষণে এই কথা প্ৰকাশ কৰিছে। বিশ্বজনীন লিংগ স্বাস্থ্যৰ ব্যৱধানৰ ওপৰত ভিত্তি কৰি কৰা বিশ্লেষণে প্ৰকাশ কৰিছে যে পুৰুষতকৈ মহিলাসকলে অধিক বছৰ ধৰি দুৰ্বল স্বাস্থ্যৰ সন্মুখীন হয়। ৱাশ্বিংটন ইউনিভাৰ্চিটি ইনষ্টিটিউট আৰু ইনষ্টিটিউট ফৰ হেল্থ মেট্ৰিক্স এণ্ড ইভেলুৱেশ্যন (আই এইচ এম ই)ৰ গৱেষকসকলে বিশ্বৰ ২০টা প্ৰধান ৰোগৰ পুৰুষ আৰু মহিলাৰ ওপৰত প্ৰভাৱৰ বিষয়ে অধ্যয়ন কৰিছে। তেওঁলোকৰ মতে, সমগ্ৰ বিশ্বতে পুৰুষ-মহিলাৰ মাজত স্বাস্থ্যৰ ক্ষেত্ৰত যথেষ্ট পাৰ্থক্য আছে।
গৱেষকসকলৰ মতে পুৰুষ হৃদৰোগ, শ্বাস-প্ৰশ্বাসজনিত সংক্ৰমণ আৰু কৰ’না ৰোগৰ দ্বাৰা অধিক আক্ৰান্ত হয়। আনহাতে মহিলাৰ মূৰৰ বিষ, কঁকালৰ বিষ আৰু মানসিক স্বাস্থ্যৰ দৰে সমস্যা বেছি। বিশেষজ্ঞসকলে মহিলাৰ স্বাস্থ্য উন্নত কৰাৰ বাবে ব্যৱস্থা গ্ৰহণৰ জৰুৰী প্ৰয়োজনীয়তাৰ ওপৰত গুৰুত্ব আৰোপ কৰিছে। এই অধ্যয়ন লেন্সেট পাব্লিক হেল্থ জাৰ্নেলত প্ৰকাশ পাইছে। বয়সৰ লগে লগে পুৰুষ আৰু মহিলাৰ স্বাস্থ্যৰ ব্যৱধান বাঢ়ি যায়, যাৰ ফলত মহিলাসকলে গোটেই জীৱন ৰোগত আক্ৰান্ত হৈ থাকে। মহিলাসকল বেছি দিন জীয়াই থাকে যদিও বেছিভাগ সময়তে তেওঁলোকৰ স্বাস্থ্য দুৰ্বল হৈ থাকে।
গৱেষণাৰ পৰা দেখা গৈছে যে ভাৰত, চীন আদিকে ধৰি দক্ষিণ এছিয়াৰ দেশসমূহত মহিলাসকল সমস্যাৰ দ্বাৰা অধিক প্ৰভাৱিত হয়। এই অঞ্চলত মহিলা আক্ৰান্ত হোৱাৰ হাৰ ৫০ শতাংশতকৈও অধিক। মানসিক স্বাস্থ্যৰ অৱস্থাই সমগ্ৰ বিশ্বৰ মহিলাসকলক অসমতাপূৰ্ণভাৱে প্ৰভাৱিত কৰে। একে সময়তে পুৰুষৰ স্বাস্থ্য কৌশলৰ ক্ষেত্ৰতো অগ্ৰগতি লেহেমীয়া হৈছে। ইউৰোপীয় অঞ্চলত পুৰুষৰ স্বাস্থ্য আৰু মংগলৰ ক্ষেত্ৰত ২০১৮ চনৰ কৌশলকে ধৰি নতুন পদক্ষেপ গ্ৰহণ কৰা হৈছে। কিন্তু অষ্ট্ৰেলিয়া, আয়াৰলেণ্ড, ইৰাণ, ব্ৰাজিল, মালয়েছিয়া, মংগোলিয়া আৰু দক্ষিণ আফ্ৰিকা আদিৰ দৰে কেইখনমান দেশতহে পুৰুষৰ স্বাস্থ্য সম্পৰ্কে ৰাষ্ট্ৰীয় পৰ্যায়ৰ নীতি আছে।