গৌৰীসাগৰ আৰু গেলেকী আৰক্ষী থানাত অভিযোগ দাখিল গৰাকীৰ, আৰক্ষীৰ ভুমিকা পুতৌজনক । গ্ৰাম্যাঞ্চলত সক্ৰিয় গৰু চুৰি চক্ৰ | থানাই থানাই গৰুৰ গৰাকীয়ে দাখিল কৰিছে চুৰি হোৱা গৰুৰ অভিযোগ | শিৱসাগৰৰ গৌৰিসাগৰ আৰু নাজিৰাৰ গেলেকীত সক্ৰিয় গৰু চুৰি চক্ৰ | প্ৰাপ্ত তথ্য তথা ৰাইজৰ অভিযোগ অনুসৰি খনামুখ ডিমৰুগুৰিৰ পৰা পোহনীয়া গৰু চুৰি হোৱাৰ অভিযোগ উঠিছে |
লগতে গেলেকী কলগাঁৱৰ পৰাও চুৰি হৈছে দুটাকৈ গৰু | আৰক্ষীয়ে কেইবাগৰাকীও সন্দেহজনক লোকক থানালৈ আনি সোধাপোছা কৰে | যদিও চুৰ চিনাক্ত হোৱা নাই | শিৱসাগৰ জিলা গৌৰীসাগৰ থানা অন্তৰ্গত খনামুখত কিছুদিন আগতে গৰু চূৰি হৈছিল |
গৌৰীসাগৰ আৰক্ষী থানাই আমগুৰি আৰু হালোৱাটিঙ আৰক্ষীৰ সহযোগত চুৰি হোৱা গৰু সমূহ উদ্ধাৰ কৰি গৰাকীক চমজাই দিছিল | যদিও গৰু চোৰক আৰক্ষীয়ে কৰায়ত্ত্ব কৰিবলৈ সক্ষম হোৱা নাছিল | এতিয়া পুনৰ খনামুখৰ ডিমৰুগুৰিৰ পৰা নিশা কেইবাটাও গৰু চুৰি হয় | গৰুৰ গৰাকীয়ে গৌৰীসাগৰ আৰক্ষী থানাত লিখিত অভিযোগ দাখিল কৰিছে | কিন্তু আৰক্ষীয়ে চুৰক কৰায়ত্ত্ব কৰিব নোৱাৰাকলৈ সৰ্বত্ৰে প্ৰতিক্ৰীয়া অব্যাহত আছে |