অষ্ট্ৰেলিয়াৰ ক্ৰিকেট খেলুৱৈ তথা অসম ক্ৰিকেট সন্থাৰ টেকনিকেল ডাইৰেক্টৰ লিউক উইমব্ৰীজৰ উপস্থিতিত বৰপেটাত বেগী বলাৰ নিৰ্বাচন। সদৌ অসম ক্ৰিকেট সন্থাৰ সহযোগত আৰু অসম ক্ৰিকেট সন্থাৰ অকাডেমিৰ উদ্যোগত অসমৰ পাছটা বিশেষ অঞ্চলত চলিত বৰ্ষৰ বিভিন্ন শিতানত প্ৰতিভা সম্পন্ন বেগী বলাৰ নিৰ্বাচন কৰিবলৈ এক বিশেষ পদক্ষেপ গ্ৰহণ কৰিছে। বৰপেটা পৌৰসভাৰ খেল পথাৰত বৰপেটা ক্ৰীড়া সন্থাৰ সহযোগত অনুষ্ঠিত এই বেগী বলাৰ নিৰ্বাচনত অসমৰ বিভিন্ন প্ৰান্তৰ প্ৰায় চাৰি শ জন ক্ৰিকেট খেলুৱৈ অংশগ্ৰহণ কৰে।
অসম ক্ৰিকেট সন্থাই ঢুকি নোপোৱা খেলুৱৈ সকলক এখন উপযুক্ত খেল পথাৰ দিবলৈ এই বিশেষ পদক্ষেপ গ্ৰহণ কৰা হৈছে। ইয়াত উপস্থিত থকা প্ৰায় চাৰি শ জন ক্ৰিকেট খেলুৱৈৰ পৰা প্ৰতিভা সম্পন্ন বেগী বলাৰ নিৰ্বাচন কৰি তেওঁ লোকক ভবিষ্যতৰ কাৰণে উপযুক্ত সুবিধা দিয়া হ’ব। ল’ৰা ছোৱালীৰ মাজত বিভিন্ন শিতানত এই খেলুৱৈ সকলক নিৰ্বাচিত কৰা হ’ব।
আজিৰ এই বিশেষ বেগী বলাৰ নিৰ্বাচনৰ সময়ত উপস্থিত থাকে অষ্ট্ৰেলিয়াৰ ক্ৰিকেট খেলুৱৈ তথা অসম ক্ৰিকেট অকাডেমিৰ টেকনিকেল ডাইৰেক্টৰ লিউক উইমব্ৰীজ, মুম্বাইৰ বোলিং কোছ্ প্ৰদীপ সুন্দৰম আৰু অসম ক্ৰিকেট সন্থাৰ বহুকেইজন বিষয়ববীয়া।