অসামাজিক কাৰ্য্যত লিপ্ত থকা গাওঁৰক্ষী বাহিনীৰ সম্পাদক জামাল আলীক সম্পাদকৰ পদৰ পৰা বহিষ্কাৰ দাৱী, ৰঙাপানী সৰ্বসাধাৰণ ৰাইজৰ

বিলাসীপাৰা, ২৩ ডিচেম্বৰঃ ধুবুৰী জিলাৰ বিলাসীপাৰা মহকুমাৰ  ৰঙাপানী দ্বিতীয় খণ্ডৰ গাওঁৰক্ষী বাহিনীৰ সম্পাদক জামাল আলীয়ে যোৱা কেইটা মাহ মান পূৰ্বতে গৰু চুৰি কাণ্ড সংঘটিত কৰি জেল হাজোতলৈ গৈছিল । ইয়াৰ উপৰিও এই গৰাকী গাওঁৰক্ষী বাহিনীৰ সম্পাদক জামাল আলীয়ে সদাশয় ব্যক্তিৰ পৰা দাৱী ধমকি দি ধন ঘটাৰ  অভিযোগ উত্থাপন হৈছে । উল্লেখ্য যে,  এই গৰাকী জামাল আলীয়ে ৰঙাপানী দ্বিতীয় খণ্ডত গাওঁৰক্ষী বাহিনীৰ সম্পাদকৰ পদত নিয়োজিত থাকি চুৰি কাণ্ড সংঘটিত কৰি অহা জামাল আলীক অনতি পলমে গাওঁৰক্ষী বাহিনীৰ সম্পাদকৰ পদৰ পৰা বহিষ্কাৰ কৰাৰ দাৱী তুলিছে ৰঙাপানীৰ সৰ্বসাধাৰণ স্থানীয় ৰাইজে। মন কৰিবলগীয়া কথা যে, এই সন্দৰ্ভত ৰঙাপানীৰ সৰ্বসাধাৰণ ৰাইজে, ধুবুৰী জিলা উপায়ুক্তক আৰু ছি ও ভি ডি পিক এক লিখিত অভিযোগ দাখিল কৰে, যদিও ধুবুৰী জিলা উপায়ুক্ত আৰু ছি ও ভি ডি পিয়ে কি পদক্ষেপ হাতত লয় সেৱা সময়ে স্পষ্ট হৈ পৰিব।।