সদৌ অসম ছাত্ৰ সন্থাৰ আহ্বানত টীয়ক আঞ্চলিক ছাত্ৰ সন্থাই আজি টীয়কৰ শক্তি বিভাগৰ কাৰ্যালয়ৰ সন্মুখত শক্তি বিভাগৰ প্ৰতিকৃতি দাহ কৰি প্ৰতিবাদ সাব্যস্ত কৰে । অনিয়মীয়া বিদ্যুৎ যোগান আৰু বিদ্যুতৰ মাচুল বৃদ্ধিৰ প্ৰতিবাদত প্ৰতিবাদ সাব্যস্ত কৰে সংগঠনটোৱে ।
টীয়ক আঞ্চলিক ছাত্ৰ সন্থাৰ উপদেষ্টা তথা সদৌ যোৰহাট জিলা ছাত্ৰ সন্থাৰ সাংস্কৃতিক সম্পাদক প্ৰীতম জ্যোতি শইকীয়া উপস্থিত থকা প্ৰতিবাদী কাৰ্যসূচীটোত টীয়ক আঞ্চলিক ছাত্ৰ সন্থাৰ ভাৰপ্ৰাপ্ত সভাপতি বিতোপন পোদ্দাৰ , সাধাৰণ সম্পাদক প্ৰাঞ্জল দত্ত , সহকাৰী সম্পাদক প্ৰাঞ্জল বৰা আৰু চিকেবি কলেজ,টীয়কৰ ছাত্ৰ একতা সভাৰ উপ-
সভাপতি অবিশেষ লাকৰা আৰু সাধাৰণ সম্পাদক ৰঞ্জন দত্তকে ধৰি সকলো ছাত্ৰ কৰ্মীয়ে শক্তি বিভাগ গ’ বেক , শক্তি বিভাগ হায় হায় আদি ধ্বনিৰে পৰিবেশ উত্তাল কৰি তোলে । অনাগত দিনত শক্তি বিভাগে নিজক সংশোধন কৰি যদি দাবী সমূহ মানি নলয় তীব্ৰ গণতান্ত্ৰিক প্ৰতিবাদ সাব্যস্ত কৰাৰ হুংকাৰ প্ৰদান কৰে ।