৪৫ হাজাৰ ভোটত পিছ পৰি আছে স্মৃতি ইৰাণী, এন ডি এ আৰু ইণ্ডিয়া এলায়েন্সৰ প্ৰাৰ্থীৰ মাজত তীব্ৰ যুঁজ…
৩ লাখ ভোটত আগবাঢ়ি অমিত শ্বাহ, ৪৫ হাজাৰ ভোটত পিছ পৰি আছে স্মৃতি ইৰাণী। সমগ্ৰ দেশতে আৰম্ভ হৈছে লোকসভা নিৰ্বাচন ২০২৪ৰ ভোটগণনা। দেশৰ ৫৪৩খন লোকসভা আসনৰ বাবে মূল প্ৰতিদ্বন্দ্বিতা হৈছে বিজেপি নেতৃত্বাধীন এন ডি এ আৰু কংগ্ৰেছ নেতৃত্বাধীন আই.এন.ডি.আই.এৰ।
চুৰাট লোকসভাৰ আসন নিৰ্বাচনৰ ফলাফল এতিয়াও অহা নাই যদিও অমিত শ্বাহ গান্ধী নগৰৰ পৰা ৩ লাখ ৬০ হাজাৰ ভোটত আগবাঢ়ি আছে, আনহাতে ৰাজনাথ সিং লক্ষ্ণৌৰ পৰা ১৯৩৭২ টাতকৈ অধিক ভোটত আগবাঢ়ি আছে। আনহাতে ইউ পিৰ আমেথিৰ স্মৃতি ইৰাণী এতিয়াও ৪৫০০০ পিছ পৰি আছে। নাগপুৰৰ পৰা অগ্ৰগতি লাভ কৰিছে নীতিন গাডকাৰী আৰু হামিৰপুৰ আসনৰ পৰা অগ্ৰগতি লাভ কৰিছে অনুৰাগ ঠাকুৰে।
ভোটগণনা আৰম্ভ হোৱাৰ পিছৰে পৰা এন ডি এ আৰু ইণ্ডিয়া এলায়েন্সৰ প্ৰাৰ্থীৰ মাজত তীব্ৰ যুঁজ চলি আছে। ভাল অগ্ৰগতি লাভ কৰিছে প্ৰধানমন্ত্ৰী মোদীয়ে।