অনলাইন বাৰ্তা, ২৭ ডিচেম্বৰ : পূৱ গুৱাহাটী সমষ্টিৰ অন্তৰৰ্গত ৰাজগড় বিহুতলীত আজি অনুষ্ঠিত হোৱা এক ৰাজহুৱা সভাত অসম দৰ্শন আছনিৰ অধিনৰ ৯০ টা মন্দিৰৰ আৰ্থিক অনুদান পত্ৰ বিতৰন কৰা হয় ৷ পূৱ গুৱাহাটী সমষ্টিৰ বিধায়ক তথা গুৱাহাটী উন্নয়ন মন্ত্ৰী সিদ্ধাৰ্থ ভট্টাচাৰ্যই দুইলাখ পঞ্চাশ হাজৰ টকাকৈ প্ৰতিটো মন্দিৰ সমিতিলৈ আৰ্থিক অনুদান পত্ৰ বিতৰন কৰে ৷ মন্ত্ৰী সিদ্ধাৰ্থ ভট্টাচাৰ্যই অনুদান বিতৰন অনুষ্ঠানত উপস্থিত থাকি ভাষন প্ৰদান কৰি কয় যে অসমৰ ১২৬ টা সমষ্টিৰ ভিতৰত পূৱ গুৱাহাটী সমষ্টিয়ে সৰ্বাধিক নামঘৰৰ অনুদান লাভ কৰিবলৈ সক্ষম হৈছে ৷ ইয়াৰ বাবেই মুখ্যমন্ত্ৰী সৰ্বানন্দ সোনোৱাল আৰু বিত্তমন্ত্ৰী ড°হিমন্ত বিশ্ব শৰ্মাক ধন্যবাদ জ্ঞাপন কৰে মন্ত্ৰী ভট্টাচাৰ্যই ৷ তেওঁ লগতে পূৱ গুৱাহাটী সমষ্টিত ১৭ হাজৰ দুখীয়া পৰিয়ালে অৰুনোদয় আছনিৰ ধন লাভ কৰিছে বুলি উল্লেখ কৰে ৷ ইপিনে বিশিষ্ট ব্যক্তি হিচাপে সভাত উপস্থিত থাকি জিলা উন্নয়ন আয়ুক্ত অতুল চন্দ্ৰ শৰ্মাই ভাষন প্ৰদান কৰি কয় যে চৰকাৰী নীতি নিয়মৰ মাজেৰে নামঘৰ সমুহে এই ধন লাভ কৰিব ৷ এই ক্ষেত্ৰত জিলা উন্নয়ন বিভাগৰ তৰফৰ যাবতীয় কাম কাজৰ বাবে সহায় সহযোগিতা আগবঢ়াব বুলি শৰ্মাই উল্লেখ কৰে ৷ উল্লেখ্য যে বিশিষ্ট বিশিষ্ট ব্যক্তি হিচাপে মহানগৰ জিলা গবেষনা সহায়িকা প্ৰিয়ংকা তালুকদাৰ, ৰাজগড় বিহুতলীৰ সভাপতি বীৰেন বৰ্মন , বিজেপি মধ্য গুৱাহাটী মন্ডলৰ সভাপতি অসীম হাজৰিকা, পূৱ গুৱাহাটী মন্ডল সভাপতি সন্জীব গোশ্বামী উপস্থিতি থাকি চমু ভাষন প্ৰদান কৰে ৷ মধ্য গুৱাহাটী মন্ডলৰ সাধৰন সম্পাদক নব চৌধুৰীয়ে আতধৰা সভাত প্ৰায় পাচ শতাধিক ব্যকি উপস্থিত থাকে ৷
