মুকালমুৱাৰ গলদীঘলাত সংঘটিত হৈছে এক চাঞ্চল্যকৰ ঘটনা । এগৰাকী ১৭ বছৰীয়া কিশোৰী শনিবাৰে বিয়লিৰ পৰা নিৰুদ্দেশক হৈ আছিল। ঘটনাৰ বিৱৰণী অনুসৰি গলদীঘলা গাৱৰ নুৰ হক নামৰ লোকজনৰ ১৭ বছৰীয়া কন্যা হাচনা বেগম শনিবাৰে বিয়লি বান্ধৱীৰ সৈতে ঘৰৰ পৰা ফুৰিবলৈ ওলাই অহাৰে পৰা নিৰুদ্দিষ্ট হৈছিল । সন্ধিয়া কিশোৰী গৰাকী ঘৰলৈ উভতি নহাত পৰিয়ালৰ লোকৰ মাজত হাহাকাৰ লাগে ।
পিছত ওচৰতে বিচাৰ খোচৰ কৰাত গলদীঘলাৰ কুৰবৰী জানৰ ওপৰত থকা দলঙখনত হাচনাৰ চেন্দেলযোৰ প্ৰত্যক্ষ কৰে স্থানীয়লোকে। পিছত আৰক্ষীক খবৰ দিয়াত ঘটনাস্থলীত আৰক্ষীৰ লোক উপস্থিত হৈ আৰম্ভ কৰে তদন্ত। আনহাতে কিশোৰী গৰাকীৰ চেন্দেল উদ্ধাৰ হোৱাত আত্মহত্যাৰ আশংকাত নিশা প্ৰশাসনৰ লোকে উক্ত স্থানতেই অভিযান চলাই।
কিশোৰী গৰাকীৰ বান্ধৱীয়ে দলঙৰ ওপৰৰ পৰা কুৰুবৰী জানত জাপ দিয়া বুলি অৱগত কৰাই আৰক্ষীৰ লোকক। বান্ধৱী গৰাকীৰ ভাষ্যৰ ভিত্তিত আৰক্ষী আৰু এন ডি আৰ এফে অভিযান চলাই আজি পুৱা জানটোৰ পৰা উদ্ধাৰ কৰে হাচনা বেগম নামৰ কিশোৰী গৰাকীৰ মৃতদেহ । বান্ধৱীৰ ভাষ্য মতে প্ৰেমজনিত কাৰনতেই এনেদৰে কিশোৰী গৰাকীয়ে চৰম সিদ্ধান্ত বাচি লোৱা বুলি জানিব পৰা গৈছে। সমগ্ৰ ঘটনাক লৈ এতিয়া সমগ্ৰ আদাবাৰী গলদীঘলা অঞ্চলটোত তীব্ৰ চাঞ্চল্যৰ সৃষ্টি হৈছে ।