দিল্লী সুৰা নীতিৰ সৈতে জড়িত দুৰ্নীতিৰ গোচৰত ৰাউছ এভিনিউ আদালতে মুখ্যমন্ত্ৰী অৰবিন্দ কেজৰিৱালৰ ন্যায়িক জিম্মা ৮ আগষ্টলৈ বৃদ্ধি কৰে। তিহাৰ জেলৰ পৰা ভিডিঅ’ কনফাৰেন্সিঙৰ জৰিয়তে তেওঁক আদালতত হাজিৰ কৰা হয়। ইডিৰ ধন সৰবৰাহৰ গোচৰতো তেওঁ ৩১ জুলাইলৈকে জেলত থাকিব লাগিব।
২১ মাৰ্চত কেজৰিৱালক গ্ৰেপ্তাৰ কৰিছিল ইডিয়ে। ইয়াৰ পিছত ৰাউজ এভিনিউ আদালতে তেওঁক জিম্মালৈ প্ৰেৰণ কৰে। তেওঁৰ বিৰুদ্ধে দ্বিতীয়টো গোচৰ চিবিআইৰ। য’ত তেওঁক ২৬ জুনত গ্ৰেপ্তাৰ কৰা হৈছিল। কেজৰিৱালৰ উপৰিও আদালতে মনীষ ছিছ’দিয়া, ভাৰত ৰাষ্ট্ৰ সমিতিৰ নেতা কে কবিতাকে ধৰি অন্যান্য অভিযুক্তৰ ন্যায়িক জিম্মা ৩১ জুলাইলৈ বৃদ্ধি কৰিছে।