চৰাঞ্চলত পৰিদৰ্শন ভৱন উদ্ধোধন: বিধায়ক নাৰায়ণ ডেকাৰ উপস্থিতিত শতাধিক বিজেপিত যোগদান

নলবাৰী জিলাৰ বৰক্ষেত্ৰী বিধান সভা সমষ্টিৰ চৰাঞ্চলত আজি পুনৰ শতাধিক লোক অন্য দলৰ পৰা বিজেপিত আনুষ্ঠানিক ভাৱে যোগদান কৰে। এসপ্তাহ পূৰ্বে মুকালমুৱাত এখন বিশাল যোগদান সভাত বৰক্ষেত্ৰীৰ বিধায়ক নাৰায়ণ ডেকা, সাংসদ দিলীপ শইকীয়া আৰু কুইন ওজাৰ উপস্থিতিত প্ৰায় দুই সহস্ৰাধিক লোক বিজেপিত যোগদান কৰাৰ খবৰে জিলা খনত চৰ্চা লাভ কৰিছিল। আজি বিধায়ক নাৰায়ণ ডেকা উপস্থিতিত কুৰিহামাৰী গাঁও পঞ্চায়তৰ ১০০ জন সক্ৰিয় কংগ্ৰেছ কৰ্মীয়ে ভাৰতীয় জনতা পাৰ্টীত যোগদান কৰে। চৰাঞ্চলৰ ৰাইজৰ দাবী বিধায়ক নাৰায়ণ ডেকাৰ  নীতি আদৰ্শ ৰ প্ৰতি আকৃষ্ট তথা  কাম কাজৰ প্ৰতি আকৰ্ষিত হৈ আনুষ্ঠানিক ভাৱে বিজেপি দলত ত যোগদান কৰে লোক কেইজনে। ইফালে আজি অসম চৰকাৰৰ লোকনিৰ্মান(পথ)বিভাগৰ বেজিসুঁতি বজাৰত নব নিৰ্মিত পৰিদৰ্শন ভৱনটোৰ শুভ উদ্ধোধন কৰে বিধায়ক গৰাকীয়ে। বিধায়ক গৰাকীয়ে ভৱনটো উদ্ধোধন কৰি কয় যে এই ভৱনটোৰ দ্বাৰা চৰাঞ্চলৰ ৰাইজৰ বহু সুবিধা হব। চৰাঞ্চলত বিধায়ক গৰাকীয়ে অজস্ৰ ৰাস্তাঘাটৰ উপৰিও বিভিন্ন উন্নয়ন মূলক কাম কৰা বুলি কয়। ইফালে চৰাঞ্চলকলৈ অনাগত দিনত বিধায়ক গৰাকীৰ কেবাতাও বিশেষ আঁচনি ৰূপায়ন কৰাৰ পৰিকল্পনাঃ হাতত লোৱা বুলি কয়।