অসম চৰকাৰৰ অসামৰিক প্ৰতিৰক্ষা বিভাগৰ উদ্যোগত গুৱাহাটীৰ কাষৰীয়া বোন্দা আঞ্চলিক হাইস্কুল চৌহদত ৩ জুলাইৰ পৰা তিনি সপ্তাহজোৰা কাৰ্য্যসূচীৰে অনুষ্ঠিত বুনিয়াদী প্ৰশিক্ষণ কাৰ্য্যসূচীৰ ২৫ জুলাইত সামৰণি পৰে। এই প্ৰশিক্ষণ কাৰ্য্যসূচীত মানুহে মানুহক বিপদৰ সময়ত কি দৰে সহায় কৰিব পাৰি তাৰ এটি বুনিয়াদী প্রশিক্ষণ দিয়া হৈছিল। আনহাতে ২৫ জুলাইত প্ৰশিক্ষণ কাৰ্যসূচীৰ সামৰণি অনুষ্ঠানৰ লগত সংগতি ৰাখি এখন সভা অনুষ্ঠিত হয়।
সভাত অসামৰিক প্ৰতিৰক্ষা বিভাগৰ কামৰূপ মহানগৰ জিলাৰ মূখ্য প্রতিপালক নিমাই চন্দ্র দাস, অসামৰিক প্ৰতিৰক্ষা বিভাগৰ উপ নিয়ন্ত্রক জলেশ্বৰ ডেকা, পোষ্ট ৱাৰ্দেন গোপাল ভট্টচার্য, জিলা দুৰ্যোগ ব্যবস্থাপনা প্ৰাধিকৰণৰ ক্ষেত্ৰ বিষয়া অংকুমণি গগৈৰ উপৰিও প্ৰশিক্ষক ক্ৰমে দীপক মেধি, অসামৰিক প্ৰতিৰক্ষা বিভাগৰ বিষয়া নুৰ জাহান বেগম আৰু পৰিমীতা মহন্তই ভাগ লৈ প্ৰশিক্ষণ গ্ৰহণ কৰা প্ৰশিক্ষর্থী সকলৰ প্ৰতি অনুপ্ৰেৰণামূলক ভাষণ আগবঢ়ায়।অনুষ্ঠানত প্ৰশিক্ষাৰ্থী সকলৰ মাজত মানপত্ৰ সমূহ বিতৰণ কৰা হয়। অনুষ্ঠানটোৰ আঁত ধৰে প্ৰশিক্ষর্থী বিপাশা শইকীয়াই।