মৰিগাঁও নগৰৰ সমাজ সেৱিকা,সু-লেখিকা,মৰিগাঁও বালিকা বিদ্যালয়ৰ অৱসৰ প্ৰাপ্ত সহকাৰী শিক্ষয়িত্ৰী শিখা শইকীয়া হাজৰিকাৰ গুৱাহাটীৰ এখন চিকিৎসালয়ত আজি পুৱা ৬ বজাত পৰলোকপ্ৰাপ্তি ঘটে। মৃত্যুৰ সময়ত তেখেতৰ বয়স আছিল ৬১বছৰ।
সু-লেখিকা গৰাকীৰ মৃত্যুৰ বাতৰি সদৰী হোৱাৰ লগে লগে সমগ্ৰ চহৰখনতে শোকৰ ছাঁ পৰে। উল্লেখ্য যে-মৰিগাঁও নগৰৰ সমাজ জীৱনৰ লগত সক্ৰিয় ভাবে জৰিয়ত থকা শিখা শইকীয়া হাজৰিকাই বিভিন্ন আলোচনী,গ্ৰন্থ আদিত নিয়মীয়াকৈ লিখি এগৰাকী সু-লেখিকা হিচাপে মৰিগাঁৱৰ সাহিত্য ক্ষেত্ৰ খনত স্বীকৃতি লাভ কৰিছিল। মৰিগাঁও নগৰৰ বালিকা উচ্চ মাধ্যমিক বিদ্যালয়ৰ পৰা ২০১৯ চনত সহকাৰী শিক্ষয়িত্ৰী হিচাপে অৱসৰ গ্ৰহণ কৰা হাজৰিকাই আজি কিছুদিনৰ পৰা বহুমূত্ৰ আৰু বৃক্ক ৰোগত আক্ৰান্ত হৈ ২ জানুৱাৰীত গুৱাহাটীৰ এখন ব্যক্তিগত চিকিৎসালয়ত ভৰ্তিৰ কৰোৱাই। পিছত চিকিৎসালয়ৰ কৰ্তৃপক্ষই গুৱাহাটী কালাপাহাৰত থকা চিকিৎসালয়লৈ স্থানান্তৰিত কৰে আৰু আজি পুৱা চিকিৎসকে কভিড ১৯ ত আক্ৰান্ত হৈ মৃত্যু হোৱা বুলি সদৰি কৰে।মৰিগাঁৱৰ সু -লেখিকা গৰাকীৰ মৃত্যুত মৰিগাঁও জিলা সাহিত্যি সভা,মৰিগাঁও জিলা সাংবাদিক সংস্থা,জিলা কবি সন্মিলন,মৰিগাঁও বালিকা উচ্চ মাধ্যমিক বিদ্যালয়ৰ শিক্ষক কৰ্মচাৰী গোট,লেখিকা সংস্থা,লেখিকা সমাৰোহ,গ্ৰাম্য পুথিভঁৰাল সন্থা আদি কৰি একাধিক দল-সংগঠন অনুষ্ঠান প্ৰতিষ্ঠানে গভীৰ শোক প্ৰকাশ কৰি শোক সন্তপ্ত পৰিয়াল বৰ্গলৈ সমবেদনা জ্ঞাপন কৰে। ইপিনে, চৰকাৰী ৰীতি নীতিয়ে শেষকৃত্য সম্পূর্ণ কৰোৱা শিখা শইকীয়া হাজৰিকাই মৃত্যুৰ সময়ত স্বামী মৰিগাঁও জিলা সাহিত্যি সভাৰ সভাপতি প্ৰতাপ হাজৰিকা ,এজন পুত্ৰ,এগৰাকী কণ্যাৰ লগতে বহু আত্মীয়স্বজন তথা গুণমুগ্ধক ইহসংসাৰত এৰি থৈ যায়।
