গ্ৰাম্য প্ৰতিভাক লৈ চিত্ৰগ্ৰহণ সৃষ্টি চিনে প্ৰডাকচনৰ কলাধোঁৱা

গ্ৰাম্য অঞ্চলৰ সুপ্ত প্ৰতিভা বিকাশৰ স্বাৰ্থত সৃষ্টি চিনে প্ৰডাকচনৰ বেনাৰত এতিয়া এক উৎসৱ মুখৰ পৰিবেশত চিত্ৰগ্ৰহণ চলিছে অসমীয়া চলচ্চিত্ৰ কলাধোঁৱা’ৰ। অসমীয়া চলচিত্ৰ জগতৰ চিনাকি মুখ উৎপল ৰাণাৰ কাহিনী, চিত্ৰনাট্য, সংলাপ আৰু পৰিচালনাত যোৰহাট জিলাৰ অৰুণা মুখ মিছিং গাঁও, খনমুখ, তামূলচিগা, গড় ছিগা, লাহোৱালকে ধৰি মনোৰম প্ৰকৃতিক পৰিবেশৰ মাজত গ্ৰাম্য অঞ্চলৰ এদল প্ৰতিভাক লৈ চলিছে চলচ্চিত্ৰ খনৰ চিত্ৰগ্ৰহণ। প্ৰায় ৮০ শতাংশ চিত্ৰ গ্ৰহণ সম্পন্ন হোৱা চলচ্চিত্ৰ খনক লৈ খুব আশাবাদী বুলি মন্তব্য কৰে পৰিচালক উৎপল ৰাণা আৰু দৃশ্য গ্ৰহণ কাৰী ৰমেন দেউৰী। উদীয়মান প্ৰযোজিকা ৰশ্মি ৰেখা ভট্ৰাচার্যই সংবাদ মাধ্যমৰ আগত উল্লেখ কৰা মতে গ্ৰাম্য অঞ্চলত বহু প্ৰতিভা আছে কিন্ত্ত সুবিধাৰ অভাৱত সফল হব পৰা নাই গতিকে এই ছবি খনৰ জৰিয়তে তেওঁ এখন মঞ্চ তৈয়াৰ কৰিছে। এই ছবিখনত গঙ্গেশ কলিতা, ৱিকি, দৃষ্টি, অনিন্দিতা, প্ৰণামী, বিনোদ, মানস, নয়ন, জ্যোতিপ্ৰসাদ, ববী দত্ত, অচিন্ত বৰা, ৰশ্মি, চুমিত্ৰা, শিলা, সমীক্ষা, দেৱব্ৰত, সংগিতা, দিগ্বিজয়, হোমেন, অঞ্জলী দা- ধৰা আৰু শিশু শিল্পী কুনাল, নীহাৰ, ঋষভ, নূপুৰ ৰাগিনী আদিয়ে বিভিন্ন চৰিত্ৰ ৰূপায়ন কৰিছে।