কেৰালাৰ ৱায়ানাডত ভূমিস্খলনৰ ফলত ২৭৬ জন নিহত, ২০০ৰো অধিক লোক নিৰুদ্দেশ! আনহাতে হিমাচল, উত্তৰাখণ্ডত ডাৱৰ বিস্ফোৰণৰ ধ্বংসলীলা…
কেৰালাৰ ৱায়ানাদত ভূমিস্খলনৰ ফলত মৃত্যু হোৱা লোকৰ সংখ্যা ২৭৬ জনলৈ বৃদ্ধি পাইছে। একে সময়তে হিমাচল প্ৰদেশত ডাৱৰ বিস্ফোৰণৰ বাবে বহু লোক নিৰুদ্দেশ হোৱাৰ খবৰ পোৱা গৈছে। উত্তৰাখণ্ডতো ডাৱৰ বিস্ফোৰণৰ বাবে গৌৰীকুণ্ড-কেদাৰনাথ পথ বন্ধ হৈ পৰে।
কেৰালা, হিমাচল প্ৰদেশ, উত্তৰাখণ্ডকে ধৰি বহু ৰাজ্যত প্ৰাকৃতিক দুৰ্যোগে বিধ্বংসী ৰূপ ধাৰণ কৰিছে। কেৰালাৰ ৱায়ানাড জিলাত ভূমিস্খলনত প্ৰাণ হেৰুৱা লোকৰ সংখ্যা ২৭৬ জনলৈ বৃদ্ধি। এতিয়াও সন্ধানহীন হৈ আছে ২০০ৰো অধিক লোক। সেনা, এন ডি আৰ এফ, ৰাজ্যিক জৰুৰীকালীন সেৱাৰ জোৱান আৰু স্থানীয় লোকে উদ্ধাৰ অভিযান অব্যাহত।
আনহাতে হিমাচল প্ৰদেশ আৰু উত্তৰাখণ্ডত ডাৱৰ বিস্ফোৰণৰ বাবে বিশৃংখল পৰিৱেশ। নিৰুদ্দেশ হৈছে প্ৰায় ৫০ জন, উদ্ধাৰ হৈছে ২ জনৰ মৃতদেহ। আগন্তুক ৩৬ ঘণ্টাত ধাৰাসাৰ বৰষুণৰ সম্ভাৱনা। একে সময়তে উত্তৰাখণ্ডত ডাৱৰ বিস্ফোৰণৰ বাবে গৌৰীকুণ্ড-কেদাৰনাথ পথৰ বহু ঠাইত পথৰ ক্ষতিসাধন হৈছে।