সুস্থিৰ হোৱা নাই বাংলাদেশৰ পৰিস্থিতি। বাংলাদেশৰ শেহতীয়া পৰিস্থিতিৰ প্ৰতি লক্ষ্য ৰাখি দেশখনৰ হিন্দু মন্দিৰ আৰু গীৰ্জাসমূহত পহৰাৰ ব্যৱস্থা। পহৰাৰ দায়িত্ব লৈছে ছাত্ৰ আন্দোলনৰ নেতাসকলে।: হিংসা, সন্ত্ৰাস তথা বঙহৰ যুঁজ অৱ্যাহত আছে বাংলাদেশত।
ক্ৰমান্বয়ে উত্তপ্ত হৈ আহিছে চুবুৰীয়া ৰাষ্ট্ৰখনৰ সামগ্ৰীক পৰিৱেশ।ৰক্তাক্ত গণ প্ৰতিবাদৰ পিছত বাংলাদেশৰ পৰা পলায়ন কৰা পদচ্যুত শ্বেখ হাছিনাই ভাৰতত আশ্ৰয় লৈছে।
পলায়ন কৰাৰ সময়তে ৰাষ্ট্ৰপতি মহম্মদ ছাহাবুদ্দিনে বাংলাদেশৰ বিগত নিৰ্বাচনত জয়ী হোৱা আৱামী লীগ চৰকাৰখন ভংগ কৰি অন্তৱৰ্তীকালীন চৰকাৰ গঠনত ছীলমোহৰ মাৰে। এই চৰকাৰৰ মুৰব্বী হিচাপে ড. মহম্মদ ইউনুছক বিএনপি আৰু জামাত-ই-ইছলামীয়েও সমৰ্থন জনাইছে।