Nail Cutting: নখ, চুলি কোনদিনা কাটিব লাগে জানি লওক

দেওবাৰৰ দিনটো বহুতে বহু কাম উলিয়াই লয়। কিয়নো দেওবাৰৰ দিনটো স্কুল, কাৰ্যালয় বন্ধ হোৱাৰ বাব বহুতে সপ্তাহটোৰ সকলো কাম দেওবাৰে কৰে। ইয়াৰ ভিতৰত নখ আৰু চুলি কটাৰ দৰে কামো অন্তৰ্ভুক্ত হয়। কিন্তু নখ, চুলি কটাৰ বহুতো নিয়ম আছে। দিন, বাৰ সকলো চাইহে মানুহে নখ কাটিব লাগে।(Nail Cutting Day)

সপ্তাহৰ কোনটো দিনত নখ কাটিলে আৰ্থিক লাভ হয় আৰু কোনটো দিনত নখ কাটিলে আৰ্থিক ক্ষতি হয় জানেনে? নখ কটাৰ সঠিক দিন আৰু পদ্ধতিৰ কথা হিন্দু আৰু মুছলমান উভয় ধৰ্মত উল্লেখ কৰা হৈছে। (Nail Cutting Day)শৰীৰৰ মৃত কোষ, নখ আৰু চুলি কাটি পেলোৱা কাৰ্য্যটো স্বাভাৱিক যেন লাগিব পাৰে কিন্তু সেইবোৰ কটাৰ দিন আৰু সময়ে আমাৰ জীৱনত ডাঙৰ প্ৰভাৱ পেলায়। জ্যোতিষত নখ কাটিবলৈ উপযুক্ত সময় আৰু দিনৰ কথাও উল্লেখ আছে। সাধাৰণতে মানুহে দেওবাৰে বন্ধৰ দিন হোৱাৰ বাবে নখ কাটে। সপ্তাহৰ কোনটো দিনত নখ কটা শুভ আৰু কেতিয়া অশুভ হয় জানি লওক।

বেছিভাগ মানুহে বিশ্বাস কৰে যে মঙলবাৰ আৰু বৃহস্পতিবাৰে নখ কাটিব নালাগে। আনহাতে ইয়াৰ বাহিৰেও সপ্তাহৰ আৰু দুটা দিন আছে সেই দিনত নখ কাটিব নালাগে। জ্যোতিষৰ মতে শনি আৰু দেওবাৰেও নখ কাটিব নালাগে। এই দিনবোৰত নখ কাটিলে আৰ্থিকভাৱে ক্ষতি আৰু কামত বাধাৰ সৃষ্টি হয়। ব্যক্তিজনৰ আত্মবিশ্বাস কম হয়। কষ্ট কৰিও তেওঁ চাকৰি বা ব্যৱসায়ত অগ্ৰগতি নাপায়। লগতে মাতৃ লক্ষ্মীৰ অসন্তুষ্টিৰ বাবেই তেওঁৰ ওচৰত টকা নাথাকে।(do not cut nails on sunday)

সপ্তাহৰ এই দিনবোৰৰ বাহিৰে নৱৰাত্ৰি, সূৰ্যগ্ৰহণ, চন্দ্ৰগ্ৰহণ আৰু উপবাসৰ দিনতো নখ কাটিব নালাগে। উৎসৱৰ দৰে পবিত্ৰ দিনতো নখ কাটিব নালাগে। এই বিশেষ অনুষ্ঠানবোৰৰ এদিন বা দুদিন আগতে নখ কটা ভাল।

বুধবাৰ আৰু শুকুৰবাৰক নখ কটাৰ বাবে আটাইতকৈ শুভ দিন বুলি গণ্য কৰা হয়। মাতৃ লক্ষ্মী আৰু শুক্ৰ গ্ৰহৰ কৃপাত শুকুৰবাৰে নখ কাটিলে ধন-সম্পত্তি আৰু সৌন্দৰ্য্য বৃদ্ধি পায় আৰু বুধবাৰে নখ কটালে কেৰিয়াৰত অগ্ৰগতি লাভ কৰে।

ইয়াৰ বাহিৰেও সন্ধিয়া আৰু ৰাতি নখ কাটিব নালাগে। সূৰ্যাস্তৰ পাছত মা লক্ষ্মীয়ে ঘৰত প্ৰৱেশ কৰে। সেয়ে সন্ধিয়াৰ পিছত চাফ-চিকুণ কৰা, নখ কটাৰ দৰে কাম কৰিলে দেৱী লক্ষ্মীক অসন্তুষ্ট হয় আৰু দৰিদ্ৰতাৰ সৃষ্টি হয়।(lakshmi-angry)