Never Wear Someone else Clothes: বেলেগৰ কাপোৰ কেতিয়াও নিপিন্ধিব! বহু ৰোগৰ আশংকা থাকে

নিজৰ যিমান থাকক, কিন্তু চকু সদায় আনৰ কাপোৰৰ ওপৰত। বহু সময়ত আমি আনৰ পৰা সাজ-পোছাকলৈ পিন্ধো, কিন্তু স্বাস্থ্যৰ দৃষ্টিকোণৰ আৰ কাপোৰ পিন্ধাটো সঠিক বুলি ক’ব নোৱাৰি। কিয় আপুনি কেতিয়াও আন কাৰোবাৰ কাপোৰ পিন্ধিব নালাগে জানেনে?(never wear someone else clothes)

কাপোৰ আমাৰ দৈনন্দিন জীৱনৰ বাবেই প্ৰয়োজনীয় নহয়, কাপোৰে আমাৰ ব্যক্তিত্বও প্ৰকাশ কৰে। (clothes)সাধাৰণতে হোষ্টেলত থকা বহু ছোৱালীয়ে বা কেতিয়াবা বায়েক-ভনীয়েকে কাপোৰ সাল-সলনি কৰি পিন্ধে। আনৰ কাপোৰ পিন্ধিলে আপোনাৰ স্বাস্থ্যৰ বাবে ক্ষতি হ’ব পাৰে। জানো আহক আৰু আনৰ কাপোৰ কিয় কাপোৰ পিন্ধিব নালাগে-(never wear someone else clothes)

১/ ছালৰ এলাৰ্জী
আনৰ কাপোৰ পিন্ধিলে ছালৰ এলাৰ্জী হ’ব পাৰে। প্ৰতিজন ব্যক্তিৰ ছাল বেলেগ বেলেগ আৰু সকলোৰে ছালৰ সংবেদনশীলতাও বেলেগ বেলেগ। আন কাৰোবাৰ কাপোৰত ব্যৱহাৰ কৰা ডিটাৰজেন্ট, পাউদাৰ বা পাৰফিউমে আপোনাৰ ছালত ফোহা, খজুৱতি বা অন্যান্য এলাৰ্জীৰ সৃষ্টি কৰিব পাৰে। বিশেষকৈ যেতিয়া আপোনাৰ ছালখন সংবেদনশীল হয় আৰু আনজনে কাপোৰ ধোৱাৰ বাবে ব্যৱহাৰ কৰা ৰাসায়নিক পদাৰ্থই সমস্যাৰ সৃষ্টি কৰিব পাৰে।

২/ ভেঁকুৰৰ সংক্ৰমণ
আন কাৰোবাৰ কাপোৰ পিন্ধিলে ভেঁকুৰৰ সংক্ৰমণ সহজে বিয়পিব পাৰে। মানুহে বহু সময় কাপোৰ পিন্ধিলে শৰীৰৰ পৰা নিৰ্গত ঘাম কাপোৰত জমা হৈ পৰে। সেই কাপোৰবোৰ ভালদৰে ধুব নোৱাৰিলে তাত ভেঁকুৰ গজিব পাৰে। এই সংক্ৰমণৰ ফলত ছালত খজুৱতি, ফোহা, বিৰক্তি আদি হ’ব পাৰে। বিশেষকৈ আণ্ডাৰগাৰ্মেণ্ট আৰু মোজাৰ ক্ষেত্ৰত এই সমস্যাটো গুৰুতৰ, সেয়েহে এই সমূহ কাপোৰ বেলেগৰ পিন্ধা উচিত নহয়।

৩) পৰজীৱী আৰু উকনিৰ আক্ৰমণ
আন কাৰোবাৰ কাপোৰ পিন্ধিলেও মূৰৰ উকনি সংক্ৰমণৰ আশংকা থাকে। বিশেষকৈ টুপী, স্কাৰ্ফ, চাদৰ বা আঁঠুৱাৰ দৰে বস্তু শ্বেয়াৰ কৰিলে উকনি সহজেই এজনৰ পৰা আন এজনলৈ বিয়পিব পাৰে। উকনি চুলিৰ গুৰিত সোমাই খজুৱতি, জ্বলা-পোৰা আদি সমস্যাৰ সৃষ্টি কৰে। ইয়াৰ উপৰিও শৰীৰত পোৱা সৰু সৰু পৰজীৱীবোৰো কাপোৰৰ মাজেৰে বিয়পিব পাৰে, যাৰ ফলত ছালৰ ফোহা আৰু খজুৱতি হ’ব পাৰে।

লগতে পঢ়কঃ Pressure Cooker Food : প্ৰেছাৰ কুকাৰত ৰন্ধা খাদ্য স্বাস্থ্যৰ বাবে অপকাৰী নে উপকাৰী

৪) সংক্ৰামক ৰোগ
কাপোৰ সংক্ৰামক ৰোগৰ বাহক হ’ব পাৰে। যদি কোনো ব্যক্তিৰ ছালৰ কোনো সংক্ৰমণ হয়, তেন্তে তেওঁৰ কাপোৰ পিন্ধিও সেই সংক্ৰমণ হ’ব পাৰে। বহু সময়ত বেক্টেৰিয়া আৰু ভাইৰাছ কাপোৰত লুকাই থাকে আৰু সেই কাপোৰবোৰ যেতিয়া আন এজন ব্যক্তিয়ে পিন্ধে তেতিয়া সংক্ৰমণ বিয়পি পৰাৰ আশংকা বাঢ়ি যায়।

৫/ ব্যক্তিগত পৰিষ্কাৰ-পৰিচ্ছন্নতাৰ অভাৱ
কাপোৰ আমাৰ ব্যক্তিগত পৰিষ্কাৰ-পৰিচ্ছন্নতাৰ এটা অংশ। প্ৰতিজন ব্যক্তিৰ ঘাম, ছালৰ তেল আৰু শৰীৰৰ পৰা নিৰ্গত হোৱা অন্যান্য উপাদান কাপোৰৰ ভিতৰত শোষিত হয়। আমি যেতিয়া আন কাৰোবাৰ কাপোৰ পিন্ধো তেতিয়া এই মলি আৰু বেক্টেৰিয়া আমাৰ শৰীৰতো প্ৰৱেশ কৰিব পাৰে, যাৰ ফলত স্বাস্থ্যজনিত সমস্যাৰ সৃষ্টি হ’ব পাৰে।