ইণ্টাৰনেশ্যনেল ডেস্ক, ২৩ ছেপ্তেম্বৰ: প্ৰধানমন্ত্ৰী নৰেন্দ্ৰ মোদীয়ে ২৩ ছেপ্টেম্বৰত নিউয়ৰ্কত পেলেষ্টাইনৰ ৰাষ্ট্ৰপতি মাহমুদ আব্বাসৰ সৈতে এক দ্বিপাক্ষিক বৈঠকত মিলিত হয়(PM Modi bilateral meeting with Palestinian President)। এই বৈঠকত প্ৰধানমন্ত্ৰীগৰাকীয়ে গাজাৰ অৱনমিত মানৱীয় পৰিস্থিতি সন্দৰ্ভত গভীৰ উদ্বেগ প্ৰকাশ কৰাৰ লগতে পেলেষ্টাইনৰ লোকসকলৰ প্ৰতি ভাৰতৰ সমৰ্থন অব্যাহত থকাৰ কথা পুনৰ উল্লেখ কৰে(PM Modi US visit)।
বিদেশ মন্ত্ৰালয়ৰ মুখপাত্ৰ ৰণধীৰ জয়ছোৱালে(MEA spokesperson Randhir Jaiswal) এক্সৰ এটা পোষ্টত উল্লেখ কৰে, “প্ৰধানমন্ত্ৰীয়ে আজি ইউএনজিএৰ সময়ত পেলেষ্টাইনৰ ৰাষ্ট্ৰপতি এইচ.ই. মাহমুদ আব্বাছক সাক্ষাৎ কৰি গাজাৰ মানৱীয় পৰিস্থিতিৰ ওপৰত গভীৰ উদ্বেগ প্ৰকাশ কৰি পেলেষ্টাইনৰ জনসাধাৰণৰ প্ৰতি ভাৰতৰ নিৰন্তৰ সমৰ্থনৰ কথা পুনৰ উল্লেখ কৰে” ।
ভাৰতে দীৰ্ঘদিন ধৰি ইজৰাইল-পেলেষ্টাইনৰ সংঘাত নিৰাময়ৰ বাবে দুয়োখন ৰাষ্ট্ৰৰ সমাধানৰ প্ৰস্তাৱক হৈ আহিছে। প্ৰধানমন্ত্ৰী মোদীয়ে ৭ অক্টোবৰত হামাছৰ দ্বাৰা ইজৰাইলত হোৱা সন্ত্রাসবাদী আক্ৰমণ(Terror attack on Israel by Hamas)ক তীব্ৰ গৰিহণা দিয়াৰ ওপৰিও গাজাৰ অৱনমিত পৰিস্থিতিক লৈ ভাৰতে গভীৰ উদ্বেগ প্ৰকাশ কৰি আহিছে।
গাজাৰ লোকসকলৰ প্ৰতি সহানুভূতি প্ৰদৰ্শন কৰি ভাৰতে গাজালৈ মানৱীয় সাহায্য আগবঢ়াই আহিছে। পেলেষ্টাইনৰ শৰণাৰ্থীসকলৰ সাহায্যাৰ্থে ভাৰতে ৰাষ্ট্ৰসংঘৰ সাহায্য আৰু কৰ্ম সংস্থা UNRWA(United Nations Relief and Works Agency)লৈ জুলাই মাহত ২০২৪-২৫ বৰ্ষৰ বাবে ২.৫ মিলিয়ন ডলাৰৰ প্ৰথম কিস্তি মুকলি কৰিছিল।
ইয়াৰ পূৰ্বে, প্ৰধানমন্ত্ৰী মোদীয়ে(Prime Minister Narendra Modi) নেপালৰ প্ৰধানমন্ত্ৰী কে পি শৰ্মা অলী আৰু কুৱেইটৰ ক্ৰাউন প্ৰিন্স শ্বেইখ ছাবাহ খালিদ আল-হামাদ আল-মুবাৰাক আল-ছাবাহৰ সৈতেও এক দ্বিপাক্ষিক বৈঠকত মিলিত হয় । কুৱেইটৰ প্ৰিন্সৰ সৈতে হোৱা বৈঠকত প্ৰধানমন্ত্ৰীগৰাকীয়ে ভাৰত-কুৱেইটৰ সম্পৰ্ক অধিক শক্তিশালী কৰাৰ উপায়ৰ প্ৰসংগত আলোচনা কৰে।
নেপালৰ প্ৰধানমন্ত্ৰীৰ সৈতে হোৱা বৈঠকত মোদীয়ে ভাৰত-নেপালৰ যুগ যুগ ধৰি চলি অহা ঐতিহাসিক সম্পৰ্ক আৰু সহযোগিতা আৰু অধিক শক্তিশালী কৰাক লৈ বিভিন্ন বিষয়সমূহৰ ওপৰত আলোচনা কৰে।
ইয়াৰ পূৰ্বে প্ৰধানমন্ত্ৰী মোদীয়ে তেওঁৰ আমেৰিকা ভ্ৰমণৰ দ্বিতীয় দিনটোত, নিউয়ৰ্কত মেছাচুচেটছ ইনষ্টিটিউট অৱ টেকন’লজি (এমআইটি) স্কুল অৱ ইঞ্জিনিয়াৰিঙে আয়োজন কৰা এক ৰাউণ্ডটেবুল বৈঠকত শীৰ্ষ প্ৰতিষ্ঠানসমূহৰ প্ৰযুক্তিবিদ আৰু CEO-সকলৰ সৈতে মতবিনিময় কৰে।
তিনি দিনীয়া আমেৰিকা ভ্ৰমণৰ এই সময়ছোৱাত ভাৰতৰ প্ৰধানমন্ত্ৰীগৰাকীয়ে যুক্তৰাষ্ট্ৰৰ ৰাষ্ট্ৰপতি জো বাইডেন, অষ্ট্ৰেলিয়াৰ প্ৰধানমন্ত্ৰী এন্থনি আলবানিজ আৰু জাপানৰ প্ৰধানমন্ত্ৰী ফুমিঅ’ কিশিদাৰ সৈতেও বৈঠকত মিলিত হয়।
তাৰোপৰি দেওবাৰে নিউয়ৰ্কৰ নাছাউ কলিজিয়ামত প্ৰবাসী ভাৰতীয়সকলৰ এক বিশাল সমাৱেশক সম্বোধন কৰে প্ৰধানমন্ত্ৰীয়ে।
প্ৰধানমন্ত্ৰীগৰাকীয়ে আজি নিউয়ৰ্কত অনুষ্ঠিত ৰাষ্ট্ৰসংঘৰ সাধাৰণ পৰিষদৰ সভা “ভৱিষ্যতৰ শীৰ্ষ সন্মিলন”তো ভাষণ প্ৰদান কৰিব।