প্ৰধানমন্ত্ৰী নৰেন্দ্ৰ মোদী আমেৰিকা ভ্ৰমণত আছে। কিছু সময়ৰ পূৰ্বে নিউয়ৰ্কত প্ৰবাসী ভাৰতীয়সকলক সম্বোধন কৰে প্ৰধানমন্ত্ৰী নৰেন্দ্ৰ মোদীয়ে। নিউয়ৰ্কত প্ৰবাসী ভাৰতীয়সকলৰ সন্মুখত প্ৰধানমন্ত্ৰী নৰেন্দ্ৰ মোদীয়ে নিজৰ পুৰণি দিনৰ কাহিনী বৰ্ণনা কৰিলে। প্ৰধানমন্ত্ৰীগৰাকীয়ে কৈছিল যে ভাগ্যই মোক ৰাজনীতিৰ মাজলৈ লৈ গ’ল। মই কেতিয়াও ভবা নাছিলোঁ যে এদিন মই মুখ্যমন্ত্ৰী হ’ম। প্ৰধানমন্ত্ৰী মোদীয়ে কৈাছিল যে জীৱনৰ এটা সময় আছিল যেতিয়া মই বহু বছৰ বহু দেশত ঘূৰি ফুৰিছিলো।(PM PM Narendra Modi)
সেই সময়ছোৱাত মই য’তেই খাদ্য পাইছিলো তাতেই খাইছিলো আৰু য’তেই শুবলৈ ঠাই পাইছিলো তাতেই শুইছিলো। সেই সময়ত যেতিয়া মই আন কিবা এটা কৰাৰ সিদ্ধান্ত লৈছিলো, তেতিয়াই ভাগ্যই মোক ৰাজনীতিৰ মাজলৈ লৈ গ’ল। মই কেতিয়াও ভবা নাছিলোঁ যে এদিন মই মুখ্যমন্ত্ৰী হ’ম, যেতিয়া মই মুখ্যমন্ত্ৰী হ’লোঁ, তেতিয়া মই হৈ পৰিলোঁ আটাইতকৈ দীৰ্ঘদিনীয়া মুখ্যমন্ত্ৰী।(PM Narendra Modi Speech)
প্ৰধানমন্ত্ৰীগৰাকীয়ে কৈছিল যে মই ১৩ বছৰ মুখ্যমন্ত্ৰী আছিলো, তাৰ পিছত প্ৰধানমন্ত্ৰী হৈছোঁ। দেশৰ জনসাধাৰণে মোক তৃতীয় কাৰ্যকালৰ দায়িত্ব অৰ্পণ কৰিছে অতি আত্মবিশ্বাসেৰে। মই তিনিগুণ দায়িত্ব লৈ আগবাঢ়িছো। ভাৰত বিশ্বৰ অন্যতম কম বয়সীয়া দেশ, শক্তি আৰু সপোনেৰে ভৰা ভাৰত। প্ৰতিদিনে ভাৰতে নতুন অভিলেখ গঢ়িছে। প্ৰতিদিনে নতুন নতুন খবৰ পোৱা যায় বাৰতৰ। পুৰুষ আৰু মহিলা দবা অলিম্পিয়াডত ভাৰতে স্বৰ্ণ পদক লাভ কৰাৰ সুখবৰ আজি (দেওবাৰে) লাভ কৰিছে। প্ৰায় ১০০ বছৰৰ ইতিহাসত প্ৰথমবাৰৰ বাবে এনে হৈছে।(PM Narendra Modi US Visit)
প্ৰধানমন্ত্ৰী মোদীয়ে কয় যে বিগত দহ বছৰত ভাৰতত কোটি কোটি লোকে বিদ্যুতৰ সংযোগ লাভ কৰিছিল, কোটি কোটি শৌচাগাৰ নিৰ্মাণ কৰা হৈছে। ভাৰতৰ জনসাধাৰণে কেৱল ৰেল সংযোগ নহয়, তীব্ৰ গতিৰ সংযোগ বিচাৰে, ভাৰতৰ প্ৰতিখন চহৰতে মেট্ৰ’ থাকিব বুলি আশা কৰে, দেশৰ প্ৰতিগৰাকী নাগৰিক আৰু গাঁও-চহৰে উত্তম সা-সুবিধা পাব বিচাৰে। ২০১৪ চনত ভাৰতৰ মাত্ৰ ৫ খন চহৰত মেট্ৰ’ আছিল, আজি ২৩ খন চহৰত মেট্ৰ’ আছে, ভাৰতত বিশ্বৰ দ্বিতীয় বৃহত্তম মেট্ৰ’ নেটৱৰ্ক আছে।
তেওঁ লগতে কয় যে ২০১৪ চনত ভাৰতৰ ৭০ খন চহৰত বিমানবন্দৰ আছিল আৰু আজি ১৪০ খনতকৈও অধিক চহৰত বিমানবন্দৰ আছে, ২০১৪ চনত ১০০ খনতকৈও কম গ্ৰাম পঞ্চায়তত ব্ৰডবেণ্ড সংযোগ আছিল। আজি ২ লাখতকৈ অধিক পঞ্চায়তত এই সুবিধা আছে।(new york)