দৈনন্দিন বাৰ্তা, ২ অক্টোবৰঃ মুখ্যমন্ত্রী হিমন্ত বিশ্ব শৰ্মাৰ সভাপতিত্বত মঙলবাৰে দিছপুৰৰ লোক সেৱা ভৱনত অনুষ্ঠিত হয় ৰাজ্য চৰকাৰৰ সাপ্তাহিক কেবিনেট বৈঠক। কেবিনেট বৈঠকত কেইবাটাও গুৰুত্বপূৰ্ণ সিদ্ধান্ত গ্ৰহণ কৰা হয়। বৈঠকৰ অন্তত কেবিনেটৰ সিদ্ধান্তসমূহ সংবাদমেল যোগে সদৰি কৰে মন্ত্রী জয়ন্তমল্ল বৰুৱাই। কেবিনেটৰ সিদ্ধান্তসমূহ হৈছে উচ্চতৰ মাধ্যমিম চূড়ান্ত পৰীক্ষা উত্তীৰ্ণ ৰাজ্যৰ মুঠ ৪৮৬৭৩ গৰাকী ছাত্র আৰু ছাত্রীক এইবাৰ বাণীকান্ত কাকতি বঁটাৰ স্কুটি প্ৰদান কৰা হ’ব।(Assam Cabinet meeting)
৬০ শতাংশ তথা ততোধিক নম্বৰ লাভ কৰা ৪০৭৩৫ গৰাকী ছাত্রীক আৰু ৭৫ শতাংশ তথা ততোধিক নম্বৰ লাভ কৰা ৭৯৩৮ জন ছাত্রক প্ৰদান কৰা হ’ব স্কুটি। আজিৰ কেবিনেটে ইয়াৰ বাবে ৩৪৫.৭৫ কোটি টকাৰ অনুমোদন জনায়।অসম লোক সেৱা আয়োগৰ ২০১৩ আৰু ২০১৪ বৰ্ষৰ পৰীক্ষাৰ তদন্ত কৰাৰ বাবে অৱসৰপ্ৰাপ্ত ন্যায়ালয় বি কে শৰ্মাৰ নেতৃত্বত এখন এজনীয়া তদন্ত আয়োগ গঠন কৰা হৈছিল। এই তদন্ত আয়োগৰ প্ৰতিবেদন বিধানসভাৰ আগন্তুক অধিৱেশনত দাখিল কৰাৰ সিদ্ধান্ত আজিৰ কেবিনেটত গ্ৰহণ কৰা হয়।(Chief Minister Himanta Biswa Sarma)
কেবিনেটত দাখিল হোৱাৰ পাছতে এই প্ৰতিবেদন ৰাজহুৱা হ’ব। জাগীৰোডত ছেমি কণ্ডাক্টৰ উদ্যোগৰ কাম চলি আছে। ছেমি কণ্ডাক্টৰ উদ্যোগ আৰু নতুন টাউনশ্বিপৰ বাবে জাগীৰোডত প্ৰয়োজন হ’বলগীয়া পানী যোগানৰ বাবে আজিৰ কেবিনেটে পানী যোগান প্ৰকল্প এটাৰ অনুমোদন জনায়। দৈনিক প্ৰয়োজন হ’বলগীয়া ১২.৫ মিলিয়ন লিটাৰ পানীৰ বাবে পানী যোগান প্ৰকল্প এটা স্থাপন কৰা হ’ব। ইয়াৰ বাবে কেবিনেটে ১২১.৩৬ কোটি টকাৰ অনুমোদন দিয়ে। ৰাজ্যৰ প্ৰতিটো সমষ্টিত সমজিলা গঠন কৰাৰ কথা মুখ্যমন্ত্রীয়ে ইতিমধ্যে ঘোষণা কৰিছে।(Semi Conduct at Jagiroad)
ইয়াৰে প্ৰথম পৰ্যায়ত ৰাজ্যৰ ৩৯ টা সমষ্টিত অহা ৪ আৰু অক্টোবৰত সমজিলাৰ কাৰ্যালয় মুকলি কৰা হ’ব। মন্ত্রীসকলে এই কাৰ্যালয়ৰ শুভাৰম্ভনী কৰিব। সমজিলাৰ কাৰ্যালয়ত একোজন এডিচি পৰ্যায়ৰ বিষয়া সমজিলা আয়ুক্ত হিচাপে নিয়োজিত হ’ব। বিগত কেবিনেটত কাৰ্বি আংলং জিলাৰ ২৬৪ গৰাকী ইউ পি শিক্ষকৰ পদত অনুমোদন জনোৱা হৈছিল। আজিৰ কেবিনেটে তেওঁলোকৰ দৰমহাৰ প্ৰস্তাৱত অনুমোদন জনায়। বিদ্যুতৰ বৰ্ধিত চাহিদাৰ প্ৰতি লক্ষ্য ৰাখি আজিৰ কেবিনেটে এ পি ডি চি এলৰ এটা প্ৰস্তাৱত অনুমোদন জনায়। সেই অনুসৰি ২০০ মেগাৱাট কালাই-২ হাইড্ৰ’ ইলেক্ট্ৰিক প্ৰজেক্টৰ পৰা বিদ্যুৎ ক্ৰয় কৰাৰ বাবে কেবিনেটে এ পি ডি চি এলক অনুমোদন দিয়ে। প্ৰতি ইউনিট ৫.৪৬ টকা দৰত ক্ৰয় কৰিব পাৰিব।
থোৰতে কেবিনেটত গ্ৰহণ কৰা গুৰুত্বপূৰ্ণ সিদ্ধান্তসমূহ-
■ মেধাৱী শিক্ষাৰ্থীৰ বাবে নতুন দুচকীয়া বাহন
■ প্ৰজ্ঞান ভাৰতী আঁচনিৰ অধীনৰ বাণীকান্ত কাকতি মেধা বঁটাত দ্বাদশ শ্ৰেণীৰ মেধাসম্পন্ন শিক্ষাৰ্থীৰ যিসকলে ৬০% (ছাত্রী) আৰু ৭৫% (ছাত্র) নাইবা ইয়াৰ ওপৰত নম্বৰ লাভ কৰিছে তেওঁলোকক স্কুটাৰ প্ৰদান কৰা হ’ব
■ এই আঁচনিৰ অধীনত ২০২৪ চনৰ বাবে ৪৮,৬৭৩গৰাকী ছাত্ৰ-ছাত্ৰীক ৩৪৫,৭৪,০২,০৩৮ টকা ব্যয়েৰে স্কুটাৰ প্ৰদানৰ বাবে কেবিনেটত অনুমোদন জনোৱা হয়।
এই স্কুটাৰ প্ৰদানে দ্বাদশ শ্ৰেণীৰ আগন্তুক ছাত্র-ছাত্রীসকলক তেওঁলোকৰ উচ্চতৰ মাধ্যমিক পৰীক্ষাত ভাল প্ৰদৰ্শন কৰিবলৈও উৎসাহিত কৰিব।
২০১৩ আৰু ২০১৪ ৰাজহুৱা নিযুক্তি কেলেংকাৰিৰ আঁৰৰ তথ্য উন্মোচন
■ অসম লোকসেৱা আয়োগৰ দ্বাৰা সংযুক্ত প্ৰতিযোগিতামূলক পৰীক্ষা ২০১৩ আৰু ২০১৪ পৰিচালনাত অভিযোগ আৰু অসদাচৰণৰ তদন্তৰ বাবে ন্যায়াধীশ (অৱসৰপ্ৰাপ্ত) বি কে শৰ্মাৰ নেতৃত্বত ২খন এজনীয়া তদন্ত আয়োগ গঠন কৰা হৈছিল।
■ আয়োগমূহে প্রতিবেদন দাখিল কৰি এ পি এছ চিৰ দ্বাৰা সংযুক্ত প্ৰতিযোগিতামূলক পৰীক্ষা পৰিচালনাত হিতাধিকাৰী আৰু অভিযুক্তসকলৰ দ্বাৰা আশ্ৰয় লোৱা কল্পনাতীত স্পষ্ট বিসংগতি আৰু অসদাচৰণৰ কথা উল্লেখ কৰিছিল।
■ বৃহত্তৰ জন স্বাৰ্থত কেবিনেটে পূর্বতে এ পি এছ চিত প্ৰচলিত দুৰ্নীতি আৰু অপকৰ্মৰ পৰিমাণ সম্পৰ্কে প্ৰতিবেদনখনৰ জৰিয়তে প্ৰাপ্ত তথ্য ৰাজহুৱা কৰিবলৈ অনুমোদন জনাইছে। বিষয়টো অসম বিধান সভাত উত্থাপন কৰা হ’।
জাগীৰোডত টাটা ছেমিকণ্ডাক্টৰৰ বাবে প্রস্তুতি
■ জাগীৰোডৰ টাটা ছেমিকণ্ডাক্টৰ প্ৰকল্পত ২৪ ঘণ্টা পানী যোগান নিশ্চিত কৰাৰ বাবে কেবিনেটে পানী যোগান আঁচনি স্থাপনত প্রশাসনিক অনুমোদন প্রদান কৰিছে
- প্ৰকল্পটো জনস্বাস্থ্য কাৰিকৰী বিভাগৰ দ্বাৰা সম্পাদন কৰা হ’ব আৰু ই প্ৰকল্পটোৰ ঔদ্যোগিক আৰু আৱাসিক দুয়োটা প্রয়োজনীয়তা পূৰ্ণ কৰিব
- প্ৰকল্পটোৰ সামগ্রিক ব্যয় হ’ব ১২১.৩৬ কোটি (১০ বছৰৰ বাবে কাৰ্যকৰীকৰণ আৰু ৰক্ষণাবেক্ষণসহ ) • কপিলী নৈৰ পৰা প্ৰতিদিনে ১২.৫ নিযুত লিটাৰ ক্ষমতাৰ পানী আহৰণ কৰা হ’ব আৰু প্ৰকল্পটো জুলাই ২০২৫ৰ ভিতৰত সম্পূৰ্ণ কৰাৰ পৰিকল্পনা কৰা হৈছে
জিলাচালিত বিকাশৰ নতুন আৰ্হি : সম-জিলা
■ ৪ অক্টোবৰ ২০২৪ত, অতিৰিক্ত জিলা আয়ুক্তৰ নেতৃত্বত সম-জিলা মুকলি কৰাৰ লগে লগে অসমে জিলা পৰ্যায়ত এক নতুন প্রশাসনিক গাঁথনিৰ সূচনা কৰিব
■ তেওঁলোকক প্ৰদান কৰা বৰ্ধিত দায়িত্ব আৰু ক্ষমতাৰ কথা বিবেচনা কৰি, কেবিনেটে উপ-জিলাসমূহৰ নাম সম-জিলা হিচাপে পুনৰ নামকৰণ কৰাৰ বাবে অনুমোদন জনাইছে, যাৰ নেতৃত্ব এজন সম-জিলা আয়ুক্তৰ দ্বাৰা কৰা হ’ব
শক্তিৰ বৰ্ধিত চাহিদা পূৰণৰ পদক্ষেপ
■ অসমৰ বৰ্ধিত শক্তিৰ চাহিদা পূৰ্ণ কৰিবলৈ, কেবিনেটে এ পি ডি চি এলৰ দ্বাৰা তেহৰি জল উন্নয়ন নিগম লিমিটেডৰ কালাই-২ জলবিদ্যুৎ প্ৰকল্পৰ পৰা ২০০ মেগাৱাট বিদ্যুৎ ক্ৰয়ৰ প্ৰস্তাৱত অনুমোদন জনাইছে
প্ৰকল্পটোৰ পৰা বিদ্যুৎ সংগ্ৰহৰ বাবে সমতুল্য শুল্ক হ’ব ৫.৪৬ টকা/ইউনিট। ই ২০২২-২৩ বিত্তীয় বৰ্ষত ক্ৰয় কৰা বিদ্যুতৰ গড় হাৰতকৈ যথেষ্ট কম
■ এই সিদ্ধান্তই শক্তিৰ প্ৰয়োজনীয়তা পূৰ্ণ কৰাৰ লগতে নৱীকৰণযোগ্য শক্তি ক্ৰয়ৰ বাধ্যবাধকতা পূৰণত সহায় কৰিব।