(Cyclone Dana)পশ্চিম বংগ আৰু ওড়িশাৰ উপকূলত ঘূৰ্ণীবতাহ ‘ডানা’ৰ প্ৰতি লক্ষ্য ৰাখি ভাৰতীয় উপকূলৰক্ষী বাহিনীয়ে ‘হাই এলাৰ্ট’ জাৰিছে। সাগৰত যিকোনো জৰুৰীকালীন পৰিস্থিতিৰ সৈতে মোকাবিলা কৰিবলৈ জাহাজ আৰু বিমান নিয়োগ কৰিছে। ঘূৰ্ণীবতাহৰ ধুমুহা ‘ডানা’ৰ বাবে ইষ্টাৰ্ণ ৰে’লৱেই বৃহস্পতিবাৰে নিশা ৮ বজাৰ পৰা শুকুৰবাৰে পুৱা ১০ বজালৈ ছিলডা সংমণ্ডলৰ ১৯০খন স্থানীয় ৰে’ল বন্ধ কৰি দিছে।(trains cancelled)বুধবাৰে সন্ধিয়ালৈকে ওড়িশাৰ ১০ লাখ লোকৰ ৩০%তকৈ অধিক লোকক নিৰাপদ স্থানলৈ স্থানান্তৰ কৰা হৈছে। পশ্চিম বংগত ৰাজ্যপালৰ সকলো কাৰ্যসূচী বাতিল কৰা হৈছে। ‘ডানা’ ঘূৰ্ণীবতাহ ওড়িশা উপকূলৰ দিশে আগবাঢ়িছে, যাৰ ফলত ৰাজ্যখনৰ প্ৰায় আধা জনসংখ্যাই ক্ষতিগ্ৰস্ত হোৱাৰ আশংকা কৰিছে।(flights suspended)
ঘূৰ্ণীবতাহ ধুমুহা ডানাৰ আগমনৰ পৰিপ্ৰেক্ষিতত বংগৰ ৰাজ্যপালগৰাকীয়ে তেওঁৰ সকলো কাৰ্যসূচী বাতিল কৰি কয় যে আমি বৰ্তমান সংকটৰ সময়ত আছো। ঘূৰ্ণীবতাহৰ ধুমুহা ডানা ওচৰ চাপিছে, বংগত আমি বহু ধুমুহাৰ সন্মুখীন হৈছো। আমিও আত্মবিশ্বাস আৰু ধৈৰ্য্যৰে ডানাৰ মুখামুখি হ’ম। (odisha and bengal)
ওড়িশাৰ মুখ্যমন্ত্ৰী মোহন চৰণ মাঝিয়ে কয় যে ঘূৰ্ণীবতাহ ডানাৰ পৰিপ্ৰেক্ষিতত বুধবাৰে সন্ধিয়ালৈকে ১০ লাখ লোকৰ ৩০ শতাংশতকৈ অধিক লোকক নিৰাপদ স্থানলৈ স্থানান্তৰ কৰা হৈছে। মঙলবাৰে চৰকাৰে ১৪খন জিলাৰ পৰা ১০,৬০,৩৩৬ জন লোকক নিৰাপদ স্থানলৈ স্থানান্তৰ কৰে।(Odisha Chief Minister Mohan Charan Manjhi)
পশ্চিম বংগৰ বতৰ বিজ্ঞান বিভাগে অহা ২৪ আৰু ২৫ অক্টোবৰত উত্তৰ আৰু দক্ষিণ ২৪ পৰগনা, পূৰবা আৰু পশ্চিম মেদিনীপুৰ, ঝাৰগ্ৰাম, কলকাতা, হাওৰা আৰু হুগলী জিলাৰ বিচ্ছিন্ন স্থানত প্ৰবলৰ পৰা অতি প্ৰচণ্ড বৰষুণৰ সতৰ্কবাণী প্ৰদান কৰিছে।
আই এম ডিয়ে জনোৱা মতে, ২৪ অক্টোবৰৰ নিশাৰ পৰা আৰম্ভ হ’ব এই ঘূৰ্ণীবতাহৰ স্থলপথত প্ৰৱেশৰ প্ৰক্ৰিয়া আৰু ২৫ অক্টোবৰৰ পুৱালৈকে চলিব। আই এম ডিৰ সঞ্চালক প্ৰধান মৃত্যুঞ্জয় মহাপাত্ৰই কয় যে ঘূৰ্ণীবতাহৰ স্থলভাগৰ সময়ত সৰ্বোচ্চ গতিবেগ প্ৰতি ঘণ্টাত প্ৰায় ১২০ কিলোমিটাৰ হোৱাৰ সম্ভাৱনা আছে। তেওঁ কয় যে ঘূৰ্ণীবতাহৰ স্থলপথত প্ৰৱেশৰ প্ৰক্ৰিয়াটো লেহেমীয়া, যিটো সাধাৰণতে ৫-৬ ঘণ্টা সময় লাগে। সেয়ে ২৪ অক্টোবৰৰ নিশাৰ পৰা ২৫ অক্টোবৰৰ পুৱালৈকে যেতিয়া ঘূৰ্ণীবতাহটোৱে স্থলভাগত প্ৰৱেশ কৰিব তেতিয়া প্ৰচণ্ড বৰষুণ, বতাহ আৰু ধুমুহাৰ ঢৌৰ শিখৰত উপনীত হ’ব বুলিও তেওঁ কয়।
(yellow alert issued in 14 districts of assam)অসমতো ডানাৰ প্ৰভাৱ পৰাৰ সম্ভাৱনা। অসমৰ ১৪খনকৈ জিলাত Yellow Alert জাৰি বতৰ বিজ্ঞান বিভাগৰ। ৰাজ্যৰ বিভিন্ন প্ৰান্তত কিনকিনীয়া বৰষুণৰ আৰম্ভ। আনহাতে গুৱাহাটী, ধুবুৰী, দক্ষিণ শালমাৰা, গোৱালপাৰা, পশ্চিম কাৰ্বি আংলং, হোজাই, কাৰ্বি আংলং, ডিমা হাচাও, কাছাৰ, কৰিমগঞ্জ, হাইলাকান্দি, গোলাঘাট, যোৰহাট, শিৱসাগৰ, চৰাইদেউ জিলাত বতৰ বিজ্ঞান বিভাগে জাৰি কৰিছে Yellow Alert।