নিউজ ডেস্ক, ২৯ অক্টোবৰ: সমগ্ৰ দেশজুৰি উলহ মালহেৰে উদযাপন কৰা হয় পোহৰৰ উৎসৱ দীপাৱলী(Diwali celebrations) । কিন্তু ইয়াৰ বিপৰীতে হিমাচল প্ৰদেশৰ হামীৰপুৰ জিলাত এনে এখন গাঁও আছে য’ত দিপাৱলী উদযাপন কৰা নহয়(Village avoids diwali celebrations)। বহু দশক পূৰ্বৰে পৰাই গাওঁবাসীয়ে পাহৰি পেলাইছে দিপাৱলী উদযাপনৰ কথা । দিপাৱলী উদযাপন কৰাটো দূৰৰেই কথা, পোহৰৰ উৎসৱৰ এই দিনটোত গাঁওখনত কোনো খাদ্যও প্ৰস্তুত কৰা নহয় । ইয়াৰ কাৰণ গাঁওখনে বহু দশক পূৰ্বে লাভ কৰা এটা অভিশাপ।
এই গাওঁখন হৈছে হামীৰপুৰ জিলাৰ ভৰঞ্জ মহকুমাৰ অন্তৰ্গত ছাম্মু গাঁও(Himachal Pradesh village) । লোকসকলৰ বিশ্বাস, পূৰ্বতে দি থোৱা অভিশাপৰ বাবে গাঁওখনত দীপাৱলী পালন কৰা নহয় (ancient curse story)। যদি গাঁওখনৰ কোনো ব্যক্তিয়ে এনে কৰে তেন্তে গাওঁখনত দুৰ্যোগৰ সৃষ্টি হয় বা কোনো গাঁওবাসীয়ে অকাল মৃত্যুবৰণ কৰে। সেয়েহে এইবাৰো হামিৰপুৰ জিলা সদৰৰ পৰা প্ৰায় ২৫ কিলোমিটাৰ দূৰত্বত অৱস্থিত ছাম্মু গাঁৱত পূৰ্বৰ দৰে এইবাৰো নাই দীপাৱলী উপলক্ষ্যে হ’ব লগা আনন্দ উলাহ । বহু শতিকাৰ পূৰ্বৰে পৰাই গাঁওখনত দীপাৱলী উদযাপন পৰিহাৰ কৰি অহা হৈছে। অৱশ্যে দীপাৱলীৰ দিনা চাকি জ্বলোৱা হয়(Diwali traditions); কিন্তু গাঁওখনৰ কোনো এটা পৰিয়ালেও যদি ভুলবশতঃ আতচবাজী জ্বলাই বা ঘৰত খাদ্যও প্ৰস্তুত কৰে, তেন্তে গাঁওখলৈত দুৰ্যোগ অহাটো নিশ্চিত। এনে নহয় যে গাঁওবাসীয়ে এই অভিশাপৰ পৰা মুক্তি পাবলৈ চেষ্টা কৰা নাই। গাঁওখনৰ লোকসকলে কেইবাবাৰো ইয়াৰ পৰা মুক্তি পাবৰ বাবে চেষ্টা কৰিলেও সকলো প্ৰচেষ্টা নিষ্ফল প্ৰমাণিত হৈছিল। এই অভিশাপটোক গাঁওবাসীয়ে ইমানেই ভয় কৰে যে, দীপাৱলীৰ দিনা ঘৰৰ পৰা ওলাই অহাটোও তেওঁলোকে উচিত বুলি নাভাবে।
অভিশাপৰ পৰা মুক্তি পাবলৈ গ্ৰহণ কৰা হৈছে বহু প্ৰচেষ্টা
ঠাকুৰ বিধি চন্দে নামৰ ৭০ উদ্ধৰ বৃদ্ধ লোকজনে কলে, শতিকা ধৰি গাঁওখনত দিপাৱলী উদযাপন কৰা হোৱা নাই। দিপাৱলী উদযাপন কৰিবলৈ চেষ্টা কৰিলেই গাঁওখনত কোনোবা লোকৰ অকালমৃত্যু ঘটে অথবা অন্য কোনো বিপদ আহে। গাঁওখনৰ আন এগৰাকীয়ে বহু আক্ষেপ প্ৰকাশ কৰি কয় যে, যেতিয়া দীপাৱলীৰ উৎসৱটি আহে, তেতিয়া তেওঁলোকৰ হৃদয়খন দুখেৰে কান্দি উঠে, কিয়নো অন্য ঠাইসমূহত সকলোৰে ঘৰসমূহত এক উৎসৱমূখৰ পৰিৱেশ দেখিবলৈ পোৱা যায়, কিন্তু তাৰ বিপৰীতে তেওঁলোকৰ গাঁৱখনত সেইদিনা কাৰো ঘৰতে দীপাৱলী উদযাপন কৰা দেখা নাযায়।
গাঁওখনৰ আন এজন ব্যক্তিয়ে ক’লে যে এই অভিশাপৰ পৰা গাঁওখনক মুক্ত কৰিবলৈ কেইবাবাৰো যজ্ঞ আদিৰোআয়োজন কৰা হৈছে যদিও সকলো বিফল হৈছে। তিনি বছৰ পূৰ্বে গাঁওখনত এখন ডাঙৰ যজ্ঞৰো আয়োজন কৰা হৈছিল। কিন্তু আজিলৈকে এই গাওঁখনে এই অভিশাপৰ পৰা মুক্তি লাভ কৰিব পৰা নাই।
পিছে কি আছিল এই অভিশাপ ?
আপোনালোকক জনাও যে, এই দীপাৱলীৰ দিনাই গাঁৱৰ এগৰাকী মহিলাই তেওঁৰ স্বামীৰ চিতাত নিজৰ সন্তানসহ সতি হৈছিল। এগৰাকী স্থানীয় বাসিন্দাই জানিবলৈা দিয়া অনুসৰি,, ‘মহিলাগৰাকীয়ে দীপাৱলী উদযাপনৰ বাবে মাকৰ ঘৰত যাবলৈ ওলাইছিল। কিন্তু মহিলাগৰাকয়ে গাঁৱৰ পৰা অলপ আগুৱাই যোৱাৰ সময়তেই তেওঁৰ স্বামীৰ মৃত্যুৰ খবৰ পায় যিজন ৰজাৰ সভাত সৈনিক হিচাপে নিযুক্ত আছিল । মহিলাগৰাকীয়ে সেই আঘাত সহ্য কৰিব নোৱাৰি তেওঁৰ স্বামীৰৰ চিতাত শিশুসহ সতি হৈছিল। লগতে গাঁৱখনক এই অভিশাপ দিছিল যে এই গাঁৱৰ লোকসকলে কেতিয়াও দীপাৱলীৰ উৎসৱ উদযাপন কৰিব নোৱাৰিব। সেই দিনৰ পৰা আজিলৈকে এই গাঁৱত দীপাৱলী উদযাপন কৰা নহয়। লোকসকলে কেৱল সতীৰ মূৰ্তিৰ পূজা কৰে। সেই দিনা যদিহে কোনোবাই দীপাৱলী উপলক্ষ্যে কোনো খাদ্যও বনাবলৈ চেষ্টা কৰে, তেন্তে তেওঁলোকৰো ক্ষতি হয় । কিছুবছৰ পূৰ্বে গাঁওখনৰে দুই-এটা পৰিয়ালে দীপাৱলী উদযাপন কৰিবলৈ চেষ্টা কৰিছিল। ইয়াৰ মাজতে তেওঁলোকৰ ঘৰখনত জুই লগাৰ লগতে পৰিয়ালৰ কেইবাজনো সদস্য অসুস্থ হৈ পৰে আৰু পৰৱৰ্তী সময়ত মৃত্যুক আকোৱালি লয় । তাৰোপৰি পৰিয়ালকেইটাৰ বাকী সদস্যসকলেও গাঁও এৰি যাবলৈ বাধ্য হৈছিল।