দিল্লীত ভয়াবহ ৰূপত বায়ু প্ৰদূষণ হৈছে। বতৰ বিজ্ঞান বিভাগৰ (IMD) তথ্য অনুসৰি প্ৰদূষণ অৰ্থাৎ বায়ুৰ গুণাগুণ ক্ৰমাগতভাৱে হ্ৰাস পোৱাৰ বাবে দিল্লীৰ মানুহৰ অৱস্থা দুৰ্বিষহ। এনচিআৰত AQI ৪০০ৰ পৰা ৫০০ৰ ভিতৰত। দিল্লীৰ নয়ডা, গাজিয়াবাদ, ফৰিদাবাদ আৰু গুৰুগ্ৰামৰ পৰিস্থিতি আৰু অধিক বেয়া। আজি ৰাতিপুৱাদিল্লী-এনচিআৰৰ ৰাইজৰ অৱস্থা ‘শ্বাসৰুদ্ধকৰ’ হৈ পৰিছিল। (Delhi Pollution)
বতৰ বিজ্ঞান বিভাগে জনোৱা মতে, পঞ্জাৱ, হাৰিয়ানা, চণ্ডীগড় আৰু পশ্চিম ৰাজস্থানত ঘন কুঁৱলীৰ বাবে অৰেঞ্জ এলাৰ্ট জাৰি কৰিছে। একে সময়তে হিমাচল প্ৰদেশ, উত্তৰাখণ্ড, উত্তৰ প্ৰদেশ, উপ হিমালয় পশ্চিম বংগ আৰু ছিকিম, বিহাৰ আৰু ঝাৰখণ্ডত পুৱা ঘন কুঁৱলীৰ বাবে ইয়েল্ল’ এলাৰ্ট জাৰি কৰিছে।(weather update)
আইএমডিৰ তথ্য অনুসৰি আজি দক্ষিণ ভাৰতৰ তামিলনাডু, কেৰালা, কৰ্ণাটক, উপকূলীয় অন্ধ্ৰপ্ৰদেশ আৰু দক্ষিণ তেলেংগানাত লঘুৰ পৰা মধ্যমীয়া বৰষুণৰ সম্ভাৱনা আছে। দক্ষিণ কোংকন আৰু গোৱা আৰু দক্ষিণ মধ্য মহাৰাষ্ট্ৰত বৰষুণ হ’ব পাৰে।(IMD)
এনে পৰিস্থিতিত প্ৰথম কথা আপুনি আতংকিত নহ’ব। অত্যাৱশ্যকীয় কাম নকৰাকৈ ঘৰৰ পৰা ওলাই নাযাব। ৰাতিপুৱা আৰু গধূলি ফুৰিবলৈ নাযাব। ঘৰৰ বাহিৰত ভাল মানৰ মাস্ক পৰিধান কৰক। মাস্ক নাথাকিলে অন্ততঃ মুখখন কপাহী কাপোৰেৰে ঢাকি ৰাখিব লাগে। ধূলি আৰু ধোঁৱাৰ প্ৰত্যক্ষ সংস্পৰ্শলৈ নাহিব। যদি আপুনি কিবা সমস্যা অনুভৱ কৰে তেন্তে চিকিৎসকৰ সৈতে যোগাযোগ কৰক।(Delhi)