গুৱাহাটী, ১৫ নৱেম্বৰঃ এপিডিচিএল(APDCL) মিৰ্জা ইএছডিৰ উদ্যোগত(Smart Meter), উপ-সংমণ্ডল অভিযন্তা সিদ্ধাৰ্থ গোস্বামীৰ নেতৃত্বত সুমিত কুমাৰ সিনহা-চিইঅ’, জিইচি-২, ধনমণি ৰাজবংশী, এজিএম, মিৰ্জা বৈদ্যুতিক বিভাগৰ লগতে এডভান্সড মিটাৰিং ইনফ্ৰাষ্ট্ৰাকচাৰ চাৰ্ভিচ প্ৰভাইডাৰ (এএমআইএছপি) দলটোৰ সহযোগত বৃহস্পতিবাৰে মিৰ্জাত স্মাৰ্ট মিটাৰৰ উপৰত গ্ৰাহকসকলৰ মাজত এক সজাগতা সভাৰ আয়োজন কৰা হয়।
সভাত স্থানীয় নেতাসকলৰ লগতে প্ৰফুল্ল কলিতা (কাৰ্যবাহী সদস্য, আঞ্চলিক বিদ্যুৎ সুৰক্ষা সমিতি), দিলীপ কুমাৰ ৰাভা আৰু নিপেন ৰাভা (সাধাৰণ সদস্য, ৰাভা হাছং স্বায়ত্তশাসিত পৰিষদ)কে ধৰি স্থানীয় গাঁওবাসী উপস্থিত থাকে।
সভাত স্মাৰ্ট মিটাৰৰ বিষয়ে ভুল ধাৰণাসমূহৰ বিষয়ে আলোচনা কৰাৰ লগতে বাস্তৱ সময়ত বিদ্যুৎ ব্যৱহাৰ নিৰীক্ষণ, স্বচ্ছ বিলিং আৰু খৰচ নিয়ন্ত্ৰণ তথা ৰাহিৰ দৰে মূল সুবিধাসমূহৰ ওপৰত আলোকপাত কৰা হৈছিল।
গ্ৰাহকসকলক নতুন প্ৰযুক্তিৰ সুবিধাসমূহ বুজাবলৈ স্মাৰ্ট প্ৰিপেইড মিটাৰ আৰু পৰম্পৰাগত মিটাৰৰ তুলনামূলক অধ্যয়ন দেখুওৱা হৈছিল।
লগতে অনুষ্ঠানত মাই বিজুলী(My Bijulee) এপটোৰ এটা নিৰ্দেশনামূলক ভিডিঅ’ প্ৰদৰ্শন কৰা হৈছিল, য’ত ব্যৱহাৰকাৰীসকলক এপটোৰ জৰিয়তে তেওঁলোকৰ বিদ্যুতৰ ব্যৱহাৰ কেনেকৈ অনুসৰণ আৰু পৰিচালনা কৰিব পাৰি সেই বিষয়ে জ্ঞান আৰু নিৰ্দেশনা দিয়া হৈছিল(Consumer Awareness)।
এই পদক্ষেপৰ লক্ষ্য আছিল গ্ৰাহকক সবলীকৰণ কৰা, স্বচ্ছতা নিশ্চিত কৰা আৰু শক্তিৰ কাৰ্যক্ষমতাক প্ৰসাৰ কৰাৰ লগতে সামগ্ৰিক সন্তুষ্টি আৰু বিদ্যুৎ ব্যৱহাৰৰ ওপৰত নিয়ন্ত্ৰণ বৃদ্ধি কৰা।(ASSAM ELECTRICITY REGULATORY COMMISSION)