দৈনন্দিন বাৰ্তাৰ সেৱা, ১৮ নৱেম্বৰঃ Russiaৰাছিয়াৰ বৈদেশিক মন্ত্ৰালয়ে আয়োজন কৰা ব্ৰিকছ সন্মিলনত ভাষণ দিবলৈ আমন্ত্ৰণ জনোৱা হৈছে বিকশিত ভাৰত সমাচাৰৰ কাৰ্যবাহী সম্পাদক ড০ আছমা বেগমক (Dr. Asma Begum)। ভাৰতক প্ৰতিনিধিত্ব কৰি ৰাছিয়াৰ প্ৰধানমন্ত্ৰী, উপ-প্ৰধানমন্ত্ৰী, বৈদেশিক মন্ত্ৰী, অৰ্থনীতি মন্ত্ৰী আৰু সকলো চৰকাৰী বিভাগৰ মুৰব্বীৰ লগতে ব্ৰিকছৰ আন সকলো সদস্য দেশৰ প্ৰতিনিধি আৰু ৰাছিয়াৰ চেণ্ট পিটাৰ্ছবাৰ্গত ভাৰতীয় প্ৰতিনিধিৰ সৈতে তেওঁ বৈঠকত অংশগ্ৰহণ কৰিব।
বিকশিত ভাৰত সমাচাৰৰ কাৰ্যবাহী সম্পাদক ড° আছমা বেগম
ব্ৰিকছ সংস্থাসমূহৰ ৰাছিয়ান ফেডাৰেচনৰ সভাপতিত্বৰ কাৰ্য্য পৰিকল্পনাৰ অংশ হিচাপে ২০২৪ চনৰ ২১-২২ নৱেম্বৰত ব্ৰিকছ দেশসমূহৰ ষষ্ঠ আন্তঃৰাষ্ট্ৰীয় মঞ্চৰ (শৰৎকালীন অধিবেশন) চেণ্ট পিটাৰ্ছবাৰ্গত অনুষ্ঠিত হ’ব।মঞ্চৰ গুৰুত্ব হৈছে ফলপ্ৰসূ ব্যৱসায়িক যোগাযোগ, অঞ্চলসমূহৰ আৰ্থ-সামাজিক উন্নয়নৰ বাবে প্ৰতিশ্ৰুতিবদ্ধ অন্যান্য দেশসমূহৰ সৈতে বহুবিষয়ক সহযোগিতা শক্তিশালী কৰা, ব্ৰিকছ দেশসমূহ আৰু ৰাছিয়ান ফেডাৰেচনৰ সৈতে গঠনমূলক আলোচনা কৰা আদি। এই কাৰ্যসূচীত ৰাছিয়াৰ বৈদেশিক মন্ত্ৰালয় আৰু চেণ্ট পিটাৰ্ছবাৰ্গ প্ৰশাসনে সহযোগ কৰিছে।
ৰাছিয়াৰ চেণ্ট পিটাৰ্ছবাৰ্গত ভাৰতীয় প্ৰতিনিধিৰ সৈতে বৈঠকত অংশগ্ৰহণ কৰিব ড০ আছমা বেগমেব্ৰিকছৰ পূৰ্বৰ কাৰ্যসূচীৰ বাহিৰত থকা বিষয়সমূহৰ ওপৰত আলোচনা কৰাৰ লক্ষ্যৰে এই অনুষ্ঠান আয়োজন কৰা হৈছে । ব্ৰিকছ দেশসমূহৰ ষষ্ঠ আন্তঃৰাষ্ট্ৰীয় নগৰ মঞ্চ (শৰৎকালীন অধিবেশন)ৰ অৰ্থনৈতিক কংগ্ৰেছৰ বিষয়বস্তু হৈছে “জনস্বাস্থ্য সুৰক্ষা”। বৈঠকত আৰ্কটিক উন্নয়নৰ সম্ভাৱনা, জনস্বাস্থ্য, পৰিৱেশ বিজ্ঞান, পৰ্যটন, সামাজিক উন্নয়ন, অঞ্চলসমূহৰ বহনক্ষম উন্নয়ন, শিক্ষা, সংস্কৃতি, যুৱ নীতি, ক্ৰীড়া, ৰাজহুৱা কূটনীতি আদি বিষয়ৰ ওপৰত পেনেল আলোচনা অনুষ্ঠিত হ’ব।