বলীউড চলচ্চিত্ৰ জগতৰ প্ৰতিভাশালী অভিনেতা আয়ুষ্মান খুৰানা কেৱল এজন অভিনেতাই নহয়, তেওঁ এগৰাকী গায়কো। আয়ুষ্মান খুৰানাৰ অনুৰাগী কেৱল দেশতে নহয় বিদেশতো আছে। শেহতীয়াকৈ নিউয়ৰ্কত আয়ুষ্মান খুৰানাৰ কনচাৰ্টৰ সময়ত এজন অনুৰাগীয়ে তেওঁ গালৈ পইচা দলিয়াইছিল, সেই ভিডিঅ’ ইতিমধ্যে ছ’চিয়েল মিডিয়াত ক্ৰমান্বয়ে ভাইৰেল হৈ পৰিছে।(Ayushmann Khurrana)
ভিডিঅ’টোত অনুৰাগীৰ জনৰ তেওঁৰ দেশী ষ্টাইলটো দেখি আয়ুষ্মানেও অতি ধেমেলীয়াভাৱে প্ৰতিক্ৰিয়া প্ৰকাশ কৰে। বৰ্তমান আয়ুষ্মান খুৰানাৰ সেই মন্তব্য অনুৰাগীসকলে বহুত ভাল পাইছে আৰু সামাজিক মাধ্যমত সেই মন্তব্যৰ ভিডিঅ’ বিয়পি পৰিছে। আনহাতে কনচাৰ্টত অনুৰাগীয়ে তেওঁৰ সেই মন্তব্য শুনি জোৰেৰে হাত চাপৰি বজাইছিল।(New York)লগতে সেই ভিডিঅ’ ভাইৰেল হোৱাৰ পিছত তেওঁৰ আন অনুৰাগীসকলেও প্ৰশংসা কৰিছে। বৰ্তমান আয়ুষ্মান খুৰানাই নিউয়ৰ্ক, চিকাগো, ছান জোছ আদি আমেৰিকাৰ চহৰত নিজৰ বেণ্ড ‘আয়ুষ্মান ভাভা’ৰ সৈতে সংগীত কনচাৰ্ট কৰি আছে।(Concert)
গীত পৰিৱেশন কৰি থকাৰ সময়ত অনুৰাগী জনে আয়ুষ্মানলৈ লক্ষ্য কৰি ডলাৰ উৰুৱাতে আয়ুষ্মানে ক’লে-এই ধনখিনি দান কৰক বা বাল কামত ব্যৱহাৰ কৰক। আয়ুষ্মানৰ এনে মন্তব্য দৰ্শকৰ মন চুই গৈছিল। তেওঁৰ এনে মন্তব্যৰ বাবে অনুৰাগীসকলে ছ’চিয়েল মিডিয়াত তেওঁক প্ৰশংসাৰে ওপচাই পেলাইছে।