প্ৰদূষণৰ পৰা বাচিবলৈ এজাক বৰষুণৰ অপেক্ষাত দিল্লীবাসী। ৰাষ্ট্ৰীয় ৰাজধানী দিল্লীৰ বহু অঞ্চলত বায়ুৰ গুণাগুণ সূচকাংক (AQI) ৫০০ পৰ্যন্ত হৈছে। সেইবাবে মানুহে উশাহ-নিশাহ লোৱাত অসুবিধাৰ সন্মুখীন হৈছে। দিল্লীত কৃত্ৰিম বৰষুণ বিচাৰি কেন্দলৈ চিঠি লিখিলে।(Artificial Rain in Delhi)
দিল্লী চৰকাৰৰ পৰিৱেশ মন্ত্ৰী গোপাল ৰায়ে পুনৰবাৰ কেন্দ্ৰীয় চৰকাৰৰ পৰিৱেশ মন্ত্ৰীলৈ কৃত্ৰিম বৰষুণৰ বাবে এখন পত্ৰ লিখিছে। গোপাল ৰায়ে কয় যে দিল্লীত যান-বাহনৰ ওপৰত ধাৰাবাহিকভাৱে বাধা আৰোপ কৰা হৈছে আৰু ধোঁৱাৰ আৱৰণ আঁতৰোৱাৰ প্ৰচেষ্টা চলোৱা হৈছে।(Delhi Pollution)
কেন্দ্ৰীয় চৰকাৰৰ বিৰুদ্ধে অভিযোগ উত্থাপন কৰি গোপাল ৰায়ে কয় যে আগষ্টৰ পৰা কেন্দ্ৰীয় চৰকাৰলৈ অবিৰতভাৱে চিঠি লিখা হৈছে। এসময়ত অনলাইন সভাও অনুষ্ঠিত হৈছিল যদিও এতিয়া কেন্দ্ৰীয় চৰকাৰৰ মন্ত্ৰীসকল সভা অনুষ্ঠিত কৰিবলৈ সাজু হোৱা নাই। আনহাতে, দিল্লী চৰকাৰে ইতিমধ্যে কৃত্ৰিম বৰষুণৰ বাবে সকলো প্ৰস্তুতি চলাইছে। গোপাল ৰায়ে কৈছে যে যোৱা তিনিদিন ধৰি উত্তৰ প্ৰদেশ, দিল্লী, পঞ্জাৱ, ৰাজস্থান আৰু বিহাৰেই হওক সমগ্ৰ উত্তৰ ভাৰতত ধোঁৱাৰ আৱৰণ বিয়পি পৰিছে।(Gopal Rai)
গোপাল ৰায়ে কৈছে যে আমি যান-বাহনৰ ওপৰত সৰ্বাধিক নিষেধাজ্ঞা আৰোপ কৰিবলৈ চেষ্টা কৰিছো। আমি অনুভৱ কৰিছোঁ যে এতিয়া দিল্লীত কৃত্ৰিম বৰষুণৰ কাম কৰাৰ সময় আহি পৰিছে। ইয়াৰ বাবে আমি আগষ্ট মাহতে প্ৰস্তুতি আৰম্ভ কৰিলোঁ। যাতে পৰিস্থিতি বেয়ালৈ গতি নকৰে। আনহাতে দেশৰ প্ৰধানমন্ত্ৰীলৈ আহ্বান যে তেওঁৰ মন্ত্ৰীসকলক এখন সভা অনুষ্ঠিত কৰিবলৈ কওক।